Úr Wikipediu, frjálsa alfræðiritinu
Ál er frumefni með efnatáknið Al og er númer þrettán í lotukerfinu. Ál er silfurlitaður og sveigjanlegur tregur málmur og finnst yfirleitt í náttúrunni í formi jarðgrýtisins báxít. Efnið hefur einstaklega gott viðnám gegn tæringu og er þekkt fyrir styrk og léttleika. Ál er notað mikið í iðnaði við framleiðslu á margvíslegum vörum og er gríðarlega mikilvægt heimsbúskapnum. Byggingarhlutar úr áli eru nauðsynlegir flugvélaiðnaðinum og mikilvægir á öðrum sviðum flutningaiðnaðar, þar sem not eru fyrir léttleika, varanleika og styrk.
