Gísli Oddsson
Úr Wikipediu, frjálsa alfræðiritinu
Gísli Oddsson (1593 – 2. júlí 1638) var biskup í Skálholti frá 1632 til dauðadags.
[breyta] Æviágrip
Gísli var sonur Odds Einarssonar Skálholtsbiskups og Helgu Jónsdóttur. Hann gekk í Skálholtsskóla og fór til frekara náms í Kaupmannahöfn 1613. Hann varð kirkjuprestur í Skálholti 1616 og rektor í Skálholtsskóla 1621. Hann varð formlega aðstoðarmaður föður síns 1629 og officialis (staðgengill biskups) eftir lát hans. Hann var kjörinn biskup á Alþingi 29. júní 1632.
Gísli kvæntist 1622 Guðrúnu Björnsdóttur, sýslumanns að Munkaþverá. Þau voru barnlaus.
[breyta] Undur Íslands
Gísli ritaði stutta bók um undur Íslands (De mirabilis Islandiæ) þar sem er að finna mikinn fróðleik um ýmis fyrirbrigði á himnum og þjóðtrú Íslendinga á 17. öld. Ritið ber þess merki að vera ritað undir áhrifum raunhyggju, en er jafnframt gegnsýrt eldri heimsmynd. Með ritinu ætlaði Gísli mögulega að bæta við Íslandslýsingu föður síns.
Fyrirrennari: Oddur Einarsson |
Skálholtsbiskupar | Eftirmaður: Brynjólfur Sveinsson |