ვანის რაიონი

ვიკიპედიიდან

ვანის რაიონი

ვანის რაიონი - ადმინისტრაციულ-ტერიტორიული რაიონი იმერეთის მხარეში. რაიონის ტერიტორია 1917-მდე შედიოდა ქუთაისის გუბერნიის ქუთაისის მაზრაში, 1917-28 - ქუთაისის მაზრაში, 1929-დან ქუთაისის ოლქში, 1930 წელს გამოიყო ცალკე რაიონად.

სექციების სია

1 ბუნება
2 მოსახლეობა
3 მმართველობა
4 ეკონომიკა
5 კულტურა
6 ღირსშესანიშნაობანი

[რედაქტირება] ბუნება

მდებარეობს იმერეთის დაბლობსა და მესხეთის ქედის ჩრდილოეთ კალთებზე. ტერიტორია - 557 კვ.კმ., მათ შორის სასოფლო-სამეურნეო სავარგულებს უკავია --- კვ.კმ. რაიონის ტერიტორიაზე მიედინება მდინარეები რიონი, სულორი, ყუმური და სხვები. მთავარი წიაღისეული სიმდიდრეა სამშენებლო მასალები - კირქვა, ანდეზიტი, ბაზალტი, კერამიკული თიხა, აგრეთვე მინერალური წყლები.

[რედაქტირება] მოსახლეობა

მოსახლეობის რიცხოვნობა - 34 ათასი კაცი; სიმჭიდროვე - 62 კაცი კვ.კმ-ზე. რაიონში 44 დასახლებული პუნქტია: 1 ქალაქი, 43 სოფელი.

[რედაქტირება] მმართველობა

რაიონის ადგილობრივი თვითმმართველობის უმაღლესი ორგანოა რაიონის საკრებულო, აღმასრულებელი ორგანო - რაიონის გამგეობა. მმართველობის ადმინისტრაციული ერთეულებია:

ქალაქის საკრებულო - 1: ვანი;
სოფლის საკრებულო - 18: ამაღლება, ბზვანი, გადიდი, გორა, დიხაშხო, ზეინდარი, კიროვი, მუქედი, სალხინო, საპრასია, სულორი, ტობანიერი, უხუთი, ფერეთა, ყუმური, შუამთა, ციხესულორი, ძულუხი.

[რედაქტირება] ეკონომიკა

წამყვანი დარგია სოფლის მეურნეობა, მათ შორის მევენახეობა, მეხილეობა, მებოსტნეობა, მეცხოველეობა, მეაბრეშუმეობა. რაიონში არის კვების მრეწველობისა და გადამამუშავებელი მრეწველობის (ღვინის და საკონსერვო ქარხნები) საწარმოები. რაიონის ტერიტორიაზე გადის ადგილობრივი მნიშვნელობის გზები. აქ არის კურორტი სულორი.

[რედაქტირება] კულტურა

რაიონში 39 სახელმწიფო და 2 არასახელმწიფო ზოგადსაგანმანათლებლო სკოლაა, 34 ბიბლიოთეკა, 4 თეატრი და 4 მუზეუმი.

[რედაქტირება] ღირსშესანიშნაობანი

ისტორიული ძეგლები: ვანის ნაქალაქარი, წმ. გიორგის ეკლესია შუამთაში, სამების ეკლესია დიხაშხოში, ეკლესია და სამრეკლო ზედა ვანში, კოშკი სულორში და სხვა.

იმერეთის მხარე