Sub tuum praesidium

E Vicipaedia

Sub tuum praesidium, oratio Catholica Romana Virgini Mariae dedicata, est antiquissima oratio Mariae, exceptis precibus Magnificat, quae sunt in ore Mariae in Evangelium secundum Lucam. Inventa est in papyro Aegypto anno 250. Quae oratio auxilium petit Mariae, et aliquando orata est in letaniis Sanctae Virginis. Introducta est in officium divinum in Medio Aevo; quam Copti (Christiani Aegypti) ab tertio saeculo adoptaverant. His verbis sunt similes versus Cantici Canticorum Salomonis (6:10) et liber Estherae (5:2,3 et 9:22). Monaci orationem canunt antequam cubant.

"Sub Tuum Praesidium" sententia est dioeceseos Montis Lauri (Mont-Laurier).

[recensere] Textus

Sub tuum praesidium confugimus,
sancta Dei Genitrix.
Nostras deprecationes ne despicias
in necessitatibus,
sed a periculis cunctis
libera nos semper,
Virgo gloriosa et benedicta.