Cricket

Vu Wikipedia, der fräier Enzyklopedie.

Dëse Sportsartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

Cricket ass eng Equippesportaart, déi a Groussbritannien entstanen ass a virun allem an de Länner vum Commonwealth populär ass.

E Cricketsmatch zu Sydney, Australien

Cricket gëtt tëschent zwou Equippen zu je 11 Spiller gespillt. Den Terrain ass oval, 135 Meter op 150, a meeschtens aus Wues. An den Equippe sinn déi meescht Spiller spezialiséiert: déi eng éischter als Batteur, déi aner als Werfer, verschiddener si gläichgutt an deenen zwou Fonctiounen. Da gëtt et nach de Golkipp, deen eng extra Schutzkleedung dréit an hannert.

[Änneren] Den Terrain

Beim Cricket trieden zwou Mannschaften vu jeweils 11 Spilleren op enger grousser, ovaler Plaz géinteneen un. D'baussecht Begrenzung (Boundary) gëtt virun dem Spillufank markéiert, z.B. mat engem Seel. An der Mëtt vum Feld fënnt een eng besonnech preparéiert, 20 Meter laang an 3 Meter breet Sträif, déi "Pitch" oder "Wicket" heescht. Op all Enn vum Pitch si jeweils dräi Poteauen (Stumps) opgestallt, tëschent deene längere senkrechte Poteaue gi méi kleng Querspéin gesat (Bails). D'Stumps an d'Bails zesumme gi wéi gesot Wickets genannt.

[Änneren] Struktur vun engem Match

D'Matchstruktur hänkt dervun of op am Summer oder am Wanter gespillt, iwwer een Dag oder iwwer 3, 4 oder 5 Deeg.

Bäi just engem Dag gëtt d'Zuel vun Overs festgeluecht an da muss all Mannschaft esouvill Overs geheien. D'Mannschaft, déi méi Runs mécht, ass de Gewënner.

Iwwer 3, 4 oder 5 Deeg gëtt et keng Begrenzung vun Overs. Allen zwou Mannschafte musse sämtlech Spiller vun deer aner Mannschaft "Aus" (OUT) kréien, an dat muss zwee Mol iwwer fënnef Deeg geschéien fir datt e Resultat erkläert gëtt. Wann dat awer net de Fall ass, da gëtt de Match als "Draw" oder ouni Resultat erkläert.

[Änneren] Wéini de Batteur eraus muss

D'Feldmannschaft huet als Zil, de géigneresche Batteur auszemaachen (to dismiss), d.h. d'Spiller vun der Feldmannschaft sollen en esou séier ewéi méiglech aus dem Spill geheien. All Batteur spillt esoulaang bis datt hien AUS ass an e gëtt dann duerch den nächste Batteur, deen an dësen Innings nach net un der Rei war, ersat. Esou bal 10 vun 11 Batteuren AUS sinn (et schwätzt ee vun "all out"), ass d'Innings zu Enn (dann wiesselt d'Schlorecht) bzw. ass d'Spill fäerdeg.

D'ausscheede vum Batteur gëtt och als "Wicket" bezeechent, onofhängeg dovun, ob d'eigentlecht Wicket dru bedeelegt war oder net. Esou e Wicket kann op 10 ënnerschiddlech Manéiere virkommen:

Wann d'Wicket mam Ball vun der Feldmannschaft getraff gëtt, während ee vun de Batteuren nach tëschent de Wickets (eigentlech tëschent de Schlolinnen) ënnerwee ass (Run out).
Wann de Wierfer mat sengem Ball dem Batteur laanscht d'Wicket trëfft a manneschtens ee "Bail" eroffält (Bowled). Heiansdo lenkt de Batteur dobäi de Ball och ouni et ze wëllen op säin eegene Wicket. Dat heescht "played on", ass awer technesch gesinn och "Bowled".
Wann de Batteur de Ball schleit an e Spiller vun der Feldmannschaft de Ball fänkt, ier de Ball réischt um Buedem a Kontakt kënnt (Caught). Wann de "Wicket-Keeper" de Ball fängt, schwätzt ee vu "caught behind", wann de Wierfer selwer de Ball fänkt, heescht dat "caught and bowled".
Wann de Ball vum Batsman verfeelt, mee duerch sengem Kierper opgehal gëtt, an de Ball dem Arbitter no d'Wicket getraff hätt, kann hien "Aus" gi ginn. Dës Regel ass eigentlech esouguer nach e bësse méi komplizéiert. Dofir ass et kee Wonner datt dës Regel wuel déi ass bei deer et vill Diskussioune gëtt (mee net op der Plaz), well et ganz op d'subjektivt Uertdeel vum Arbitter ukënnt (Leg before Wicket, oder kuerz gesot LBW).
Wann de Batteur beim Schloversuch viru senger Schlolinn trëtt an de Ball beim Wicket-Keeper duerchkënnt. Wann hien dann alleng d'Wicket mam Ball zerstéiert, ier de Batteur erëm hannert d'Linn kënnt an ouni datt de Batteur e Punkt (Run) ugestrieft huet, nennt een dat "Stumped".
Wann de Batteur während dem Schloe säi Wicket zerstéiert, z.B. mat sengem Bat oder mat sengem Kierper (Hit Wicket).
Wann de Batteur de Ball express mat der Hand spillt (Handled the Ball).
Wann de Batteur d'Feldmannschaft express behënnert (Obstructing the Field).
Wann de Batteur de Ball express zweemol spillt (Hit the Ball Twice), ausser probéiert hie bei der zweeter Kéier säi Wicket verdeedegt.
Wann de neie Batteur méi laang ewéi 3 Minuten brauch, fir Weiderzespillen bereed zu sin (Timed out).

[Änneren] Cricket zu Lëtzebuerg

Cricket gëtt zanter 1976 zu Lëtzebuerg gespillt. Am Ufank gouf zu Bäreldeng gespillt, do, wou haut e Fast-food-Restaurant steet; haut läit den Terrain zu Walfer, tëschent den Tenniscourten an der Pidalschwämm. Am Wanter gëtt "Indoor"-Cricket gespillt. De Format dofir ass e bëssen anescht an adaptéiert. Et gi 7 Hären- an 1 Dammenequippe.