Dresden

Vu Wikipedia, der fräier Enzyklopedie.

Dëse Geographiesartikel zu Däitschland ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

Dresden

Land	Däitschland
Bundesland:	Sachsen
Landkrees:	Kreesfräi Stad
Koordinaten:	51° 3' 0" n. B., 13° 44' 0" ë. L.
Fläch:	328,30 km²
Awunner:	500.068 (30.Juni 2006)
Bevëlkerungsdicht:	1.523 / km&sup2
Héicht:	113 m i. NN
Buergermeeschter:	Ingolf Roßberg (FDP)

Dresden (sorbesch: Drježdźany; ofgeleet aus dem alsorbeschen Drežďany fir Sompf-Awunner, tschechesch: Drážďany) ass d'Haaptstad vum Fräistaat Sachsen an Däitschland.
Dresden läit un der Elbe, nordwestlech vun den Elbsandsteenbierger, Dresden ass de politischen a kulturellen Zenter vum Fräistaat Sachsen.

Inhaltsverzeechnis

1 Geographie
2 Geschicht
3 Wirtschaftspolitesch Bedäitong
4 Kultur
5 Kuckeswäertes zu Dresden selwer
6 Kuckeswäertes an der Ëmgéigend
7 Linken
- 7.1 Kuckt och
- 7.2 Um Spaweck

[Änneren] Geographie

[Änneren] Geschicht

Schlass an Haffkiirch zu Dresden

D'Fraekiirch, nei opgebaut

Geschicht vun Dresden an der Däitscher Wikipedia (Grondleeënden Bäitrag)
Den Numm Dresden kënnt vum Slaweschen hir a weist op eng suppeg Landschaft (dt. " Sumpfwald ") hinn. Um Gebitt vun der Stad Dresden ginn et Iwwerräschten vun engem Tempel, deen op d'Joer 4800 v. Chr. zereckgeféiert get. D'Stadgebitt gouf an der Steenzäit weider besiedelt.

Déi eigentlech Grënnung vun Dresden soll am Joer 1173 erfollegt sinn. An engem Dokument vun 1216 gett fir d'éischt vun Dresden an engem schrëftlechen Dokument riets a méi besonnesch vun der Kräizschoul um Stadgebitt Blasewitz/Striesen.

[Änneren] Dresden am Mëttelalter

Am Mëttelalter huet sech d’Entwécklung vun der Stad besonnesch op den Deel um lénken Uwänner beschränkt. Den Ausbau vun der Stad an déi kommerziell Entwécklung huet vill Zäit gebraucht.

Ëm 1500 hat d’Stad Dresden mat den Uertschaften rondrëm ongeféier 6.000 Awunner.

[Änneren] Dresden ënnert dem August dem Starken

Déi schéinste Period ass fir d’Stad ënnert der Regierung vum Friedrich Augusts I. (genannt de "Starken"), dee spéider och Kinnik vu Pole ginn ass, ugang. Eng Partie Gebaier, wéi d’Haffkierch an aner Barock-Bauwierker, ginn op déi Zäit zeréck. Am Laf vun dësem Opschwong huet d’Populatioun sech vun 1700-1755 op 63 000 Awunner verdräifacht.

[Änneren] Dresden an der napoleonescher Zäit

Am Joer 1813 stong d’Stad am Mëttelpunkt vun de Krichshandlungen vum Napoleon, deen op den zwou Säite vun der Elb seng Arméien opgestallt hat. Fir Dresden war dat eng ganz turbulent Zäit.

Ënnert der Regierung vum Kinnik Johann (1854-1873) huet Dresde sech zu sengem Avantage weiderentwéckelt.

[Änneren] Dresden am Zweete Weltkrich

Lancater Bommeflieger bei hierer Attaque

Wéi den Zweete Weltkrich ugang ass, war Dresden mat 642.143 Awunner déi siewentgréisst däitsch Stad. Bis an den August 1944 war d'Stad Dresde vun Bombardementer aus der Loft verschount bliwwen, well se net am Perimeter vun den alliéerte Bommefliger louch. Dat heescht dat am Hierscht 1944 Dresden déi lescht gréisser Industrie- a Verwaltungsstad a Verkéierszentrum war déi bis du vum Krich verschount bliwwe war.
Wa vum August 1944 un, Dresden och net méi viru Bomardementer aus der Loft sëcher war, da waren d'Bombardementer vun alliéierten Fliger vum 13. a 14.Februar 1945 trotz allem vun engem onerwaarten Ausmooss. Betraff war dat 15 km² grousst Stadgebitt am Zentrum vun Dresden. Dobäi goufen déi meescht historesch Barock-Gebaier a vill Konschtschätz komplett zerstéiert. Well och Splitter- a Brandbommen agesat goufen, war d'Zuel vun den Affer héich. Déi genee Zuel vun Doudegen konnt ni offiziell festgestallt ginn, well deemools vill Flüchtlingen, op der Flucht virun de russeschen Truppen sech zu Dresden opgehal hunn an do net registréiert waren. No den allgemengen Schätzungen sollen ëmmerhin 24 000 Mënschen, oder méi, bei dëse Bombardementer ëm d'Liewen komm sinn.