Messier 57
Vu Wikipedia, der fräier Enzyklopedie.
|
|
|
|---|---|
| Lëtzebuerger Numm | Rankniwwel an der Lyra |
| Englesche Numm | Ring Nebula |
| Katalogbezeechnungen | M 57 NGC 6720 |
| Rektaszensioun | 18h 53,6m |
| Deklinatioun | +33° 2' |
| Äquinoktium | 2000.0 |
| Schäinbar Hellegkeet | 8,8m |
| Distanz | 2.300 Liichtjoer |
| Schäinbaren Duerchmiesser | 118 Bousekonnenn, |
| Absoluten Duerchmiesser | 1,3 Liichtjoer, |
| Spektraltyp | |
| Stärebild | Lyra |
 |
|
De Rankniwwel an der Lyra (Leier) (och nëmme Rankniwwel, Messier 57 oder NGC 6720 bezeechent) ass e planetareschen Niwwel am Stärebild Lyra.
Den Niwwel ass den Iwwerrescht vun engem Stär, dee viru ronn 20.000 Jore säi baussechte Gasmantel ofgesprengt huet. De Gasmantel dehnt sech mat enger Vitesse vun 19 km/s aus, an huet am Moment e schäinbaren Duerchmiesser vun ca. 118 Bousekonnen, wat bei enger Distanz vun 2.300 Liichtjoer en absolutten Duerchmiesser vun ca. 1,3 Liichtjoer bedeit. Am Teleskop erschéngt den Niwwel rankfërmeg. Tatsächlech bilt de siichtbare Gasmantel kee Rank am Raum, awer gläicht engem Torus. Am Zentrum vum Niwwel ass ee Wäissen Zwergstär mat enger Temperatur vun ca. 70.000 °C an enger schäinbarer Hellegkeet vu 15,8 mag.
Den M 57 ka relativ liicht opfont ginn, well hie bal an der Mëtt vun der Verbindungslinn vun de Stäre β an γ Lyrae steet.
[Änneren] Entdeckung
Den M 57 gouf 1779 vum Antoine Darquier bei der Observatioun vun engem Koméit entdeckt. Am selwechte Joer huet de Charles Messier dësen Objet a säi Katalog opgeholl.
Den Darquir huet d'Ausgesinn vun dësem Niwwel mat engem Planéit verglach, wat den Astronom Wilhelm Herschel derzou bruecht huet, dësen Typ vu Niwwel als planetareschen Niwwel ze bezeechnen.
[Änneren] Erschäinungsbild
Den M 57 ka schonns mat engem klengen Teleskop vu 10 cm Ëffnung als „Rankniwwel“ gesi ginn.
Den Zentralstär ass mat enger schäinbarer Hellegkeet vun 15,8m allerdéngs liichtschwaach. Fir hien ze gesi brauch ee schonns en Teleskop mat enger Ëffnung vu 40 cm.
