Wikipedia:Neutralitéit
Vu Wikipedia, der fräier Enzyklopedie.
D'Neutralitéit ass ee vun de Grondprinzipien beim Schreiwen vun Artikelen op Wikipedia. Nom engleschen Neutral Point of View gëtt dëst och oft NPOV oofgekiirzt.
Eng universell Enzyklopädie ass eng Usammlung vu "syntheteschem" Wëssen, daat vun engem neutrale Point de vue aus presentéiert gëtt. Den Auteur soll beim Schreiwe souwäit wéi méiglech probéieren neutral ze bleiwen.
Duerch den neutrale Point de vue gëtt versicht, Iddien a Fakten esou ze presentéieren datt souwuel d'Géigner wéi och d'Partisane mat der Beschreiwung vun den Iddien averstane sin.
Inhaltsverzeechnis |
[Änneren] Reegele fir d'Neutralitéit
- En Artikel vun enger Enzyklopädie soll nët versichen, fir de Standpunkt vum Auteur ze argumentéieren. Éischter soll ee soe wéi eng Leit, Gruppen, Reliounen etc. dës Meenung hunn.
- Vill verschidden an och widdersprëchlech Aspekter kënnen an engem Artikel behandelt ginn. Fakten a Meenunge sollen dee Moment kloer vuneneen ofgegrenzt sinn.
- All Point de vue soll neutral an an engem nët emotionalen Toun duergestallt ginn.
- Wann dir bei engem Thema emotional involvéiert sidd, ass ët eventuell besser, dir iwwerloosst engem aneren d'Schreiwe vum Artikel.
[Änneren] Virschléi zum neutrale Point de vue
[Änneren] Waat ass Fakt, waat ass Wertung ?
Als Fakten oder Tatsaache kann een Aussoe formuléieren, déi hautzudags bei der Allgemengheet vun de Menschen nët emstridde sin. Dozou gehéieren zum Beispill d'Naturgesetzer, mathematesch Thesen oder Daten aus der Statistik (Awunnerzuel asw.).
Oppassen sollt een allerdéngs bei Aussoe wéi "De Picasso ass dee gréisste Moler vum 20. Joerhonnert". Och wann daat vu ville Leit eventuell ugeholl gëtt, sou ass ët eng Wertung a keng Tatsaach. An dësem Fall kéint een de Saaz besser esou dréinen: "De Picasso gëtt als ee vun de gréisste Moler vum 20. Joerhonnert ugesinn".
Meenungen a Wertungen (op eegen oder nët) sollte waméiglech mat Fakten ënnermauert gin. Zum Beispill: "D'Grupp XYZ zielt zu deenen erfollegräichsten vun den 80er Joren. Alleng 1985 hun sie X Millioune Plakke verkaaft".
[Änneren] Ween denkt waat ?
Bei de Standpunkten och ëmmer drun denken ze soen ween esou denkt. Amplaaz also ze soen "Vill Leit hun e Problem mat Softwarepatenter" ass ët besser ze soen "Vill Programmeuren hun e Problem mat Softwarepatenter", well wie si "vill Leit" ?
[Änneren] Onparteiesch sin
Bei der Duerstellung vun de verschiddene Point de vuen heescht ët onparteiesch ze sinn, also nët duerch eng ausgewielte Rhetorik séng eege Meenung duerchblécken ze loossen.
[Änneren] Waat maachen wann een Artikel nët neutral ass ?
Hei ginn ët e puer Méiglechkeeten:
- Wann dir genuch Connaissancen hudd, kënnt dir den Artikel selwer änneren.
- Probéiert op der Diskussiounssäit vum Artikel mam Auteur ze diskutéieren.
- Mellt den Artikel op dëser Säit: Wikipedia:Neutralitéitsproblemer an hannerloosst de Message {{Neutral}} op der Artikelsäit selwer :
| Opgepasst: D'Neutralitéit vun dësem Artikel gëtt staark ugezweifelt. |
