Bung

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.

Bung: de ouw kèrk 2005

Bung (Nederlands Bunde) ies 'n kern bie de Geul en 't Julianakanaal in de gemeinte Meersje in Nederlands Limburg. Tot 1982 waor 't ein eige gemeinte. In vreuger jaore ouch waal Bundt, Bunn, Bunna (Latien), Buonde en Bonde geneump. In 2002 haet Bung 5868 inweunersj.

[bewirk] Buurtsjappe

De gehuchte en buurtsjappe

Kaze (Kasen)
't Voelwames (Voulwames)

huère bie Bung.

[bewirk] Bezeenswaerdig

De nuuj kèrk van Bung, die in 1960 ies geboewd in plaats van de ouw St. Agneskèrk ies ouch gewiejd aan de heilige Agnes, de patrones van kuisheid, kinger van Maria, maagde en tuinmanne. Ze ies óntworpe door de architekte Fanchamps en Van der Pluym. De kruusweegsjtaties woorte gemaak door de Limburgse kunstenaer Martin Linnartz. De Glaas-in-betonvènstere zint van de Bundese kunstenaer Daan Wildschut. Wiejer sjteit 'r 'n Maaslands Madonnabeeld, dat vermoedelik oet de 14e ièw sjtamp. 't Beeld van de Heilige Agnes aan de ingank ies van de Bundese kunstenaer Rob Stultiens.
De ouw kèrk, oet 1828, weurt nao 1960 gebruuk es constructiewerkplaats en in 1993 es cultureel centrum de Aw Kèrk.
Aan de Geulsjtraot in Bung liek 'ne hièrehoof oet de 18e ièw, Rustenburg. 't Hoes sjtamp oet 1767 en de hoof ies geboewd in 1654 in Maaslandse renaissancesjtiel .
Aan de Heiligenbergsjtraot sjteit Hoes Heiligenberg, ouch oet de 18e ièw, geboewd van baksjtein mèt op de heuk mergelblokke.
De Bungerbösj ies de sjtielste hellingbösj van Nederland mèt huègdeversjille tot 80 maeter. Väöl versjillende flora, wie Aronskelk, Annemoon en Kèrkesjleutel in de hol waeg, en fauna kómme hie veur. 't Gebeed ies riek ies aan brónne en beekskes.
Bung haet 'n sjtasie aan de sjpoorlien Mestreech-Zittert. 't Tegewoordige sjtationsgeboew ies van 't type sjtandaard Douma.

In naovolging van Het Dorp (in Arnem) ies in Bung de twiède woongemeinsjap veur lichamelik gehandicapte, Geuloord geboewd. Ouch boete 't terrein van Geuloord zint noe weuninge, woavan de beweunersj óndersjteund were in 't kader van "Begeleid Zelfsjtendig Wone".

Gemeinte Meersje
Dörper: Meersje \| Bung \| Gäöl \| Gäöl-aan-de-Maas \| Mwórveld \| Raotem \| Ulesjtraote
Buurtsjappe en gehuchte: Brómmele \| Brookhaove \| Genzon \| 't Grwat-Brook \| Grwat Bergem \| Humkove \| De Husjeberg \| Kaze \| 't Klei-Brook \| Klein Bergem \| Meersje-Wes \| Raor \| Sjietekove \| Sniedersberg \| 't Sjtómmeveldsje \| Vliek \| 't Voelwames \| Waert \| Waterval