Deurne (Nederland)

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Ligking vaan Deurne in Noord-Braobant

Deurne is e versteidelik dörp en 'n gemeinte in de Nederlandse provincie Noord-Braobant, aon de grens mèt Nederlands Limburg, in 't Pieëlland. De gemeinte heet 'n oppervlak vaan 119,02 km² (daovaan 1,02 km² water); op 1 januari 2006 woende hei 31.866 lui. Ander kerne zien Helenaveen, Liessel, Neerkant en Vlierde (Vlierden).

[bewirk] Functies

Deurne ligk tösse Helmond en Venroj in en is daodoor vaan oondergesjik belang es verzörgingscintrum. Op de Pieël ligke versjeie legertrainingskampe. In de jaore negeteg woort 't Brits kamp dao evels opgeheve. Deurne heet 'n statie aon de spoerlien Eindhove-Venlo.

[bewirk] Dörpsaonziech

Klei kestiel Deurne

't Aajd kestiel vaan de hiere vaan Deurne, klei kestiel geneump, steit eve boete 't dörp en geneet erkinning es rieksmonumint. Dit gelt ouch veur 't dinghoes, 't aajd kloester Zeilberg en de rewien vaan 't Groet Kestiel, in 1944 door de Geallieerde in pojn gesjote. Wijers kint de gemeinte hiel väöl aw boerderije die meistal oonder gemeintelike erkinning es monumint valle.

In d'n umgeving ligke de hei- en bósgebeder vaan 't Nationaol Park de Groeëte Pieël.

[bewirk] Historie

In en um Deurne zien 'n aontal vonste oet de Roemeinsen tied gedoon. 't Dörp zelf duuk pas op in de later Middeliewe: de dörpskèrk weurt in 1069 vermeld. Later woort Deurne 'n hierlikheid, die tot de Fransen inval in 1795 zouw blieve bestoon.

Tot in de negentiende iew blaof Deurne e klei dörp mèt 'n aontal gehöchter um ziech eweg. Sins deen tied is de kóm sterk gegreujd en zien väöl gehöchter in de bebouwing opgenómme.

In 1926 woort de gemeinte Vlierde aon Deurne touwgevoog.