Veghel

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Ligking vaan Veghel in Noord-Braobant

Veghel e versteidelik dörp en 'n gemeinte in de Nederlandse provincie Noord-Braobant, aon de rand vaan 't Pieëlland, mèt 'n oppervlak vaan 78,99 km² (daovaan 0,66 km² water) en per 1 januari 2006 36.739 inwoeners. Neve de plaots Veghel umvat de gemeinte ouch de dörper Boerdonk, Eerde, Erp, Keldonk, Mariaheide en Zijtaart. Veghel oonderhèlt 'n zjumelaasj mèt Gogh.

[bewirk] Historie

De ajdste spoere vaan bewoening goon trök tot in de Roemeinsen tied. In de Middeliewe maakde Veghel aonvenkelik deil oet vaan 't aajd graofsjap Rode (Sint-Oedenrode), meh vaanaof de daartiende iew huurden 't bij 't heertogdóm Braobant en wel bij de Meierij vaan De Bos. In 1310 kraog Veghel de status vaan 'gemeinte'; de hiere vaan Erp zwejde de scepter.

Nao 1648 laog Veghel in Staots-Braobant, e wingewes vaan de Republiek vaan de Nederlen. In deen tied stagneert 't dörp tot in de negentiende iew de industrie opkump aon de nui gegraove Zuid-Willemsvaart. Veural de valsteelt kaom sterk op. Ouch woort in 't dörp 'n landbouwmerret gehawwe, boe-aon de Veghelere hunne bijnaom 'kuse' (wat in dees streek neet "verkes" meh "kaver" beteikent). Allewijl bleujt veural de voodselindustrie.

In 1994 woort de gemeinte Erp aon Veghel touwgevoog.