Mechele (Nederlands Limburg)

Van Wikipedia

Dit artikel is gesjreve in 't Mechels (Nederlands Limburg). 't Weurt gewaardeerd óm in dit artikel 't Mechels (Nederlands Limburg) aan te hauwe of aan te gaeve welk anger dialek gebroek is.

Mechele is 'n dörp in 't heuvelland van Zuud-Limburg in de gemingte Gulpe-Wittem.

[bewirk] Buurtsjappe

Gehuchte en buurtsjappe van Mechele zunt:

Brook
Dal

Sjweeberig

Bie't punt woeë de Mechelbeek in de Geul sjtreumt is Mechele óntsjtange es 'n nederzètting rónd 'n landgood van grave van Limburg. In 2005 hat Mechele, same mèt de buurte, óngevaer 2000 inwoners.

[bewirk] Bezeenswaerdig

De kèrk oet 1810 is gewéjd aan Sint Jan dr Duiper. 't Óntwerp is van d'r architec Mathias Soiron oet Mastrich. In d'r toán, oet 1837, zunt neo-romaanse elemente toegepas. In de later jaore woát 't sjeep verlengd en in 1935 kreg de kèrk 'n haofrónd koardeel. In 't interieur is gebroek gemak van antieke vurwerpe. Vurbeelde zunt: 'n barok altaar, 'n 16e eeuws beeld van Sint Jan en 'ne rococo praeksjtool oet d'r 18e eeuw.
D'r Herenhof sjtampt oet d'r 12 eeuw. 't Waor bezit van de grave van Limburg. 't Hudige gebouw dateert oet 1825.
In 't Panhoes waor oots 'n dwankbrouwerei gevestigd. Dwank wilt hèi zègke: verplich durch de uvverheed um hie 't beer te laote brouwe.
De Mechel die langs de sjtraot sjruimp mèt brökskes nao de hoezer.
In en rónd 't dörp bevinge zich nog väöl ouw vakwerkhoezer.
de Watermeule op de Geul en vakwerkhaof dr Plei ligke in de buurtsjap Euvergäöl.

[bewirk] Historie

In 1215 gaof hertog Hendrik III van Limburg d'r Hièrehaof aan Johannieterorde. In 1588 vertrok de orde nao Aoke en is d'r haof verpach gewore tot aan d 'r Franse tied (1794). Vanaaf 1986 waor d'r 't gemeentehoes va Wittem i gevestig.