Neuenhof
Us der alemannische Wikipedia, der freie Dialäkt-Enzyklopedy
Technische Yschränkung: Dr koräkt Titel wär: »Noiehof« |
Wappe | |
---|---|
|
|
Basisdate | |
Kanton: | Aargau |
Bezirk: | Bade |
BFS-Nr.: | 4034 |
PLZ: | 5432 |
Koordinate: | 47.447219 n. Br. 8.329174 ö. L. |
Höchi: | 403 m ü. M. |
Flächi: | 5.37 km² |
Iwohner: | 7877 (31. Dezember 2006) |
Websyte: | www.neuenhof.ch |
Charte | |
|
Dialäkt: Aargauerdüütsch |
Noiehof isch es Dorf im Kanton Aargau ide Schwiiz. Es ghört zum Bezirk Bade. Es lit östlich aaschlüssend and Bezirkshauptort im Limmattal. Si isch met knapp 8'000 Iiwohner eini vo de iiwohnerriichschte Gmeinde im Bezirk.
Inhaltsverzeichnis |
[ändere] Geografii
Noiehof lit ufere Ebeni zwüsched em Hang vom Rüsler, da isch en Teil vom Heitersberg, und de Limmat. Nöcher be Bade lit inere Flussschlaufe no en grossi Überbauig wo au no zu Noiehof ghört, aber dur d Autobahn A1, en Hauptstross und de Fluss devo trennt isch, si heisst Webermühli und bildet es eignigs Quartier, d Damsau.
Vom Gmeindegebiet vo 537 Hektare sind 277 Hektare Wald und 142 sind überbaut. Di höchsti Stell isch mit 702 Meter ufem Kamm vom Heitersberg, di tüüfsti mit 360 Meter a de Limmat.
Nachbargmeinde sind Wettige im Norde, Würelos im Nordoste, Killwange im Südoste, Oberrohrdorf im Südweste, Fislisbach im Westen und Bade im Nordweste.
[ändere] Gschicht
[ändere] Römerziit
Im Johr 1975 sind d Reste womene rämische Guetshof gfunde worde, ebefalls hed mer mehreri Münze gfunde. Dur die Münze vermueted mer das de Guetshof öppe zwüsched em Johr 50-100 baut und bewohnt worde isch.
[ändere] Iifluss vom Chloster
Um 1200 isch en Buurehof zur Versorgig vom Chloster Wettige uf de Ebeni bauet worde, de so genannti "nuiwe Hof". Am Aafang hend d Mönch uf dem Hof buuret, spöter isch er a Liibeigeni verpachtet worde, die hend denn au di ersti chliini Sidlig bauet.
[ändere] Gmeindegründig
1798 isch Neuehof denn offiziel zunere Gmeind worde wo de Kanton Badevo de Franzose gründet worde isch. Sit 1803 ghört Noiehof zum Kanton Aargau.
[ändere] Wappe
Waagrecht teilt ide Farbe gelb (obe) und rot (unde), mit zwei foifzackige Sterne, emene rote (obe) und emene gelbe (unde).
[ändere] Sehenswürdigkeite
Di neuromanischi katholischi Pfarrchile St. Joseph isch 1890 gweiht und denn 1976 renoviert worde.