Wettingen
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Wettige« |
| Wappe | |
|---|---|
 |
|
| Basisdate | |
| Kanton: | Aargau |
| Bezirk: | Bade |
| BFS-Nr.: | 4045 |
| PLZ: | 5430 |
| Koordinate: | 47° 27' n. Br. 8° 19' ö. L. |
| Höchi: | 409 m ü. M. |
| Flächi: | 10.59 km² |
| Iwohner: | 18'938 (31. Dezember 2006) |
| Websyte: | www.wettingen.ch |
| Charte | |
 |
|
 |
Dialäkt: Aargauerdüütsch |
Wettige (hochdütsch Wettingen) isch en Gmeind vom Kanton Aargau, Bezirk Bade i de Schwiiz. Wettige lit östlich vom Bezirkshauptort Bade und isch met knapp 19'000 Iiwohner di grössti Gmeind im Kanton Aargau.
[ändere] Geografii
Wettige erstreckt sich über s gsamte Wettigerfäld, das wird im Norde dur de steil Hang vo de Lägere, im Weste vo de Klus vo Bade, im Süde vo de Limmat und im Oste vom Sulperg begrenzt. Zwüsched em Sulperg und de Lägere liit s ned überbaute Eigital, s Naherholigsgebiet vo Wettige. Im Nordoste vom Wettigerfäld befindet sich de alti, relativ guet erhalteni Dorfchern. De, teilwis kanalisierti, Dorfbach entwässeret s Eigi und flüsst über de Gottesgrabe id Limmat ab.
Di gsamti Gmeindsflächi isch 1059 Hektar gross, 417 Hektar bewaldet, 398 Hektar überbaut.
Di höchsti Stell isch mit 859 Meter s Burghorn, en Teil vo de Lägere, di tüüfsti Stell isch mit 360 Meter a de Limmat.
Nachbargmeinde sind Ehredinge im Norde, Otelfinge im Oste, Würelos im Südoste, Noiehof im Süde, Bade im Weste und Enetbade im Nordweste.
[ändere] Wappe
S Wappe zeigt drüü blaui Wälle vo de Limmat abwächselnd mit wiis, die sind i de undere Helfti. Obe befindet sich uf rotem Grund en gelbe Stern, de stoht für s Chloster Wettige.
[ändere] Gschicht
In Wettige sind zwei Gräber us der Jungsteiziit gfunde worde.
En chlini römischi Sildig isch a de Stross wo vo Vitudurum (Winti) über Aquae Helveticae (Bade) nach Vindonissa (Windisch) gfüert hed entstande, de einzig Überrest vo dere Besidlig isch en Inschrift vomene Isistempel wo hütt ide Chile St. Sebastian iigmuret isch.
Nach de Römer isch s Wettigerfeld vomene alemannische Siedler mit em vermuetliche Name Wetti oder Watto, wo sich do met sine Lüüt im 6. Jahrhundert nidergloh hed, besidlet worde. Uf ihn goht wahrschinli au de Name Wettige zrugg.
