Internet
De Biquipedia
Internet ye un rete publico e global de computadors interconeutatos por meyo d'o protocolo TCP/IP.
Sobre iste rete i corren un conchunto de serbizios, os más famosos World Wide Web e correu-e, que se puede azeder á ellos dende cualiquier parti d'o mundo, con un dispositibo eleutronico (ordinador, PDA, telefón móbil, etz...) "coneutato" á un rete, ye dizir: cheneralment (anque no siempre) pagando un dreito de conisión á un furnidor d'azceso á Internet e con un modem (MOdulador DEModulador) u equibalent correutament confegurato.
Cualsiquier rete que use o protocolo IP será una internet, pero Internet en mayusclas nomás bi'n ha una.
Internet como meyo de comunicazión prenzipio á cheneralizar-se en os países desarrollatos á meyatos d'os años 90. En gran parti, Internet la han ito fendo os "internautas", tot creyando serbizios mayoritariament gratuitos. De totas trazas, dende finals d'os años 90, os serbizios de pago e o comerzio eleutronico i tienen una presenzia cada begata más gran.
Autualment, o protocol IP usato ye IPv4 (adrezas de 4 bytes), pero en un futuro amanato ha d'estar remplazato por IPv6 (adrezas de 16 bytes), ya que o espazio d'adrezas que ofrexe IP bersión 4 se ye acotolando.
Contenius |
[editar] Conisión á Internet
Ta coneutar un dispositibo eleutronico á internet, cal tener:
- Un furnidor d'azceso á Internet
- Un módem u equibalent
Pendiendo d'o dispositibo eleutronico e d'o serbizio contratato, podremos coneutar á internet, emplegando diferents tecnolochías;
[editar] Conisión telefonica
- Os módems autuals son limitatos á una belozidat masima de conisión de 56 Kbps. Son tamién conoxitos como módems dial-up.
[editar] ADSL
- L'ADSL emplega un módem u un endrezador, premite nabegar á más belozidat que a conisión telefonica estandard emplegando tamién o cordón d'o telefón como meyo de transmisión de datos.
[editar] PLC
- PLC emplega os cordons d'eletrizidat ta transmitir os datos. Os módems PLC se coneutan á una presa de corrient e á l'ordinador.
