Саксонија

Од Википедија, слободна енциклопедија

Слободна Држава Саксонија Freistaat Sachsen Swobodny Stata Sakska
Државно знаме

Цивилно знаме

Статистика
Главен град:	Дрезден
Површина:	18,413 km²
Жители:	4,300,000 (2004)
Густина на насел.:	234 жит./km²
Веб-сајт:	sachsen.de
ISO 3166-2:	DE-SN
Политика
Премиер:	Георг Милбрат (ХДУ)
Владеачка партија:	ХДУ/СПД
Мапа

Слободната Држава Саксонија (германски: Freistaat Sachsen; лужичкосрпски: Swobodny Stata Sakska) е копнена површина со 18,413 km² и 4.3 милиони жители, со што таа е десеттата најголема по површина и шеста по население меѓу германските сојузни држави. Повторно воспоставена по германското реобединување во 1990 и ја зафаќа зафаќа приближната површина на поранешното Кралство Саксонија (до 1918 година).

Главен град на Саксонија е Дрезден. Други поголеми градови се Лајпциг и Кемниц.

За време на раниот Среден Век, терминот Саксонија се однесувал на регионот кој го зафаќаат денешните држави Долна Саксонија и Северна Рајна-Вестфалија. Саксонците мигрирале таму од денешната германска држава Шлезвиг-Холштајн меѓу 250 и 500 година.

Саксонија не може директно да се поврзува со секое друго значење на "Саксонци"; односно Саксонец не е само жител на Саксонија (има и Англо-Саксонци и Романски Саксонци).

[уреди] Географија

Саксонија се граничи (од исток спрема стрелките на часовникот) со Полска, Чешка и германските држави Баварија, Тирингија, Саксонија-Анхалт и Бранденбург. Нејзиниот главен град е Дрезден. Од 1989, населението на државата во нејзините урбани центри било намалено како резултат на миграцијата во поранешна Западна Германија.

Главна оска на Саксонија е реката Елба, која поминува од југоисток до северозапад. Друга важна река, западно од Елба, е реката Мулде. Реката Ниса, пак, ја формира полската граница. Деловите источно од Саксонија се јужните делови на историскиот регион Лужица (Lausitz) и се нарекуваат Горна Лужица. Во овој регион живее малцинството Лужички Срби. Лужица е двојазичен регион.

Теренот се издигнува постепено од север кон југ, а кулминира во планинските венци на чешката граница. Оре Планините (Erzgebirge) се протегаат од Баварија до Елба. На исток постојат ридести предели познати како Лужички Бергланд.

[уреди] Административна поделба

Саксонија е поделена во три региони: Кемниц, Дрезден и Лајпциг, кои се поделени на 22 области:

Анаберг (ANA)
Ауе-Шварценберг (ASZ)
Бауцен (BZ)
Кемницер Ланд (GC)
Делич (DZ)
Дубелн (DL)
Фрајберг (FG)
Каменц (KM)

Лајпцигер Ланд (L)
Лубау-Цитау (ZI)
Мајсен (MEI)
Митлерер Ерцгебиргскрајс (MEK)
Митвајда (MW)
Мулденталкрајс (MTL)
Нидершлезишер Оберлаузицкрајс (NOL), припаѓал на Долна Шлезија (денеска главно во Полска) пред војната.

Риеза-Гросенхајн (RG)
Шешиш Швајц (PIR), ридеста област
Штолберг (STL)
Торгау-Ошац (TO)
Фогтландкрајс (V)
Вајсерицкрајс (DW)
Цвикауер Ланд (Z)

Има и седум независни градови кои не припаѓаат на ниту една област:

Кемниц (C)
Дрезден (DD)
Гурлиц (GR) (не припаѓал на Саксонија од 1815 до 1945)
Хојерсверда (HY) (одлучено да припадне на Саксонија во 1990)
Лајпциг (L)
Плауен (PL)
Цвикау (Z)

[уреди] Економија

Саксонија има една од најизменичните економии од поранешните ГДР држави. Нејзината економија пораснала за 2.1% во 2004, со што постанала единствена источна држава што го надминува националниот просек. Како и да е, невработеноста е сеуште проблем. Поради ова, Саксонија (заедно со остатокот од истокот, без Берлин, се квалифицира како "точка 1" регион за развој во Европската Унија и како резултат на ова може да има економски пораст до 30% до 2013 година. Во интерес на развојот на секакво поле, владата одлучи да го развива туризмот во регионот, особено во Лужица (Извор: Economist, 27 авг., 2005)