एड्स

Wikipedia कडून

एड्स म्हणजे "अक्वायर्ड इम्यूनो डिफिशियेंसी सिंड्रोम" एच.आय.व्ही. विषाणूच्या संसर्गामुळे होणारी एक स्थिती आहे. यात माणसाची नैसर्गिक रोगप्रतिकारक शक्ती निकामी बनते. एड्स हा रोग नाही पण एक शारीरिक स्थिती आहे. एड्‌स झलेल्या माणसाला इतर संसर्गजन्य रोगांची सहज लागण होऊ शकते. एच.आय.व्ही. रक्तातील रोगप्रतिकारक पेशीं लिफ्मोसाईट्सवर आक्रमण करतात. एड्स पीडितांच्या शरीरातील रोगप्रतिकारक क्षमता हळूहळू कमी होत गेल्याने सर्दी, खोकल्यासारखे साधे तसेच क्षयासारखे भयंकर रोग होणे शक्य असते. त्यांवर इलाज करणेही अवघड होते. एच.आय.व्ही. संसर्गापासून एड्स होईपर्यंत ८ ते १० वर्षांपेक्षाही अधिक काळ लागू शकतो. एच.आय.व्ही. ने ग्रस्त व्यक्ती अनेक वर्षांपर्यंत काहीही लक्षणांशिवाय राहू शकते. ^[१]

एड्स वर्तमानकाळातील सर्वात मोठ्या स्वास्थ्यसमस्यांपैकी एक आहे. एड्सच्या संसर्गाची तीन मुख्य कारणे आहेत - लैंगिक संबंधातून, रक्तातून तसेच आईकडून अर्भकाला. नॅशनल एड्स कंट्रोल प्रोग्रॅम आणि यूएनएड्स यांच्यानुसार भारतात ८० से ८५ टक्के संसर्ग असुरक्षित विषमलैंगिक (हेट्रोसेक्शुअल) संबंधांतून पसरत आहे. भारतात आजपर्यंत एड्‌सकडे दुर्लक्ष ^[२] झाले आहे. एच.आय.व्ही. विषाणु पहिल्यांदा अफ्रिकेतील खास प्रजातीच्या माकडात सापडला आणि तेथूनच सगळ्या जगात पसरला असे मानले जाते. इ.स.१९८१ मध्ये सुमारे ५ कोटी लोक एड्‌सचे बळी ठरले आहेत असा अंदाज आहे. अजूनही एड्‌सवर इलाज सापडलेला नसल्याने जगभरातील संशोधक त्यावर काम करीत आहेत.

अनुक्रमणिका १ एड्सचा प्रसार २ एड्सचा प्रतिबंध ३ एड्सची लक्षणे ४ संदर्भ

[संपादन] एड्सचा प्रसार

एड्स यापैकी कोणत्याही कारणाने पसरू शकतो :

• असुरक्षित लैंगिक संबंध
• दूषित रक्त चढवल्याने
• संसर्गित आईकडून अर्भकाला
• आईकडून स्तनपान करणार्‍या मुलाला
• दूषित सुईतून

[संपादन] एड्सचा प्रतिबंध

एड्सवर सध्या कोणतेही औषध नसल्याने त्याचा संसर्ग होऊ नये म्हणून खालील प्रतिबंधात्मक गोष्टींचा अवलंब करणे गरजेचे आहे.

• एकपेक्षा अधिक व्यक्तींबरोबर लैंगिक संबंध टाळा.
• लैंगिक संबंधाच्यावेळी निरोधचा वापर करा.
• तुम्हला एड्स झाला असेल तर तुमच्या साथीदाराला त्याची कल्पना द्या. असुरक्षित संबंध ठेवू नका त्यामुळे एड्स तुमचा साथीदार किंवा मुलांना होण्याची शक्यता असते.
• जर तुम्ही एच.आय.व्ही ने संक्रमित असाल तर रक्तदान करू नका.
• रक्त चढवण्यापूर्वी ते एच.आय.व्ही.मुक्त आहे याची खात्री करून घ्या.
• इंजेक्शन घेताना प्रत्येकवेळी नवीन सुईचा वापर करा.

[संपादन] एड्सची लक्षणे

एच.आय.व्ही चा संसर्ग झाल्यानंतर बहुतेक रोग्यात बरेच दिवस कोणतेही लक्षण दिसून येत नाही. दीर्घ काळापर्यंत विषाणू वैद्यकीय चाचण्यांमध्येही दिसून येत नाहीत. एड्स झालेल्या अनेक लोकांना विषाणुजन्य ज्वर होतो पण त्यातून एड्सची निष्पत्ती होत नाही. काही लक्षणे खाली दिली आहेत.

• ताप
• डोकेदुखी
• थकवा
• मळमळ आणि भूक कमी होणे
• लसिकांची सूज

ही सर्व लक्षणे साध्या रोगांत दिसून येतात त्यामुळे वैद्यकीय प्रयोगशाळेत केलेल्या चाचणीत निष्पन्न झाल्याशिवाय एड्सचे संक्रमण निश्चित ओळखता येत नाही.

[संपादन] संदर्भ

1. ↑ एड्स काय आहे? (asp). UNAIDS. बघितले 2007-03-02 ला.
2. ↑ भारतात आजपर्यंत एड्‌सकडे दुर्लक्ष. निरंतर (2006-08-01).