Македонистика

Од Википедија, слободна енциклопедија

Македонистиката е наука која ги проучува развојот, правописот и другите карактеристики на македонскиот јазик.

Содржина

1 Историски развој
2 Современ развој

[уреди] Историски развој

Почетоците на македонистиката се поврзани со политичките состојби на Балканскиот Полуостров во времето на османлиското владеење. Поради територијалните претензии на новосоздадените словенски држави Србија и Бугарија кон Македонија, кај нив се јавила потребата за докажување на културната поврзаност на населението на Македонија со она во нивните држави. Притоа македонистиката во најголем дел се развива како дел од политичките спорови околу припадноста на Македонците, а со тоа и припадноста на териториите коишто тие ги населуваат.

Српска струја

Српските лингвисти и просрпски ориентирани научници македонскиот јазик го гледаат како дел од српскиот јазик. За таа цел ги потенцираат историските и јазички врски помеѓу македонските и српските говори. По Втората светска војна оваа теорија трпи пораз со српското прифаќање на засебниот македонски национален идентитет .

Бугарска струја

Бугарските лингвисти и пробугарски ориентирани научници македонскиот јазик го гледаат како дел од бугарскиот јазик. Поради политички мотивирани цели, бугарската научна мисла и во денешно време дејствува во рамките на бугарскиот општествен став, сметајќи го македонскиот јазик како дел од бугарскиот, а македонистиката како дел од бугаристиката.

Македонска струја

Застапниците на македонската струја, независно од нивното етничко потекло, со подеднакво внимание ја проучуваат поврзаноста и блискоста на македонските говори со оние во Србија и Бугарија. Притоа, тие водат сметка и за сите особености со кои македонскиот јазик се разликува од српскиот и бугарскиот.

Поистакнати имиња на македонската струја во лингвистичката наука се Ѓорѓи Пулевски, Крсте Петков Мисирков, Петар Драганов...

[уреди] Современ развој

Својот вистински расцут македонистиката го доживува по обновувањето на македонската државност во 1944 година. Со кодификацијата на современиот македонски литературен јазик и основањето на низа образовни и научни установи чиј основен предмет на изучување е македонскиот јазик, се создаваат сите услови за непречено и објективно развивање на македонистиката како дел од светската лингвистичка наука.