ആഗസ്റ്റോ പിനോഷെ
വിക്കിപീഡിയ, ഒരു സ്വതന്ത്ര വിജ്ഞാനകോശം.
ആഗസ്റ്റോ ജോസ് റാമണ്‍ പിനോഷെ ഉഗാര്‍ട്ടെ(ജനനം - 1915 നവംബര്‍ 25, മരണം - 2006 ഡിസംബര്‍ 10) ചിലിയുടെ സൈന്യാധിപനും രാഷ്ട്രപതിയുമായിരുന്നു. അദ്ദേഹം ഒരു സൈനീക വിപ്ലവത്തിലൂടെ 1973-ല്‍ ചിലിയില്‍ ഭരണം പിടിച്ചെടുത്തു. അന്ന് തിരഞ്ഞെടുത്ത ഭരണാധികാരിയായിരുന്ന സാല്‍‌വഡോര്‍ അലിന്‍ഡേയെ ആണ് അട്ടിമറിയിലൂടെ പിനോഷെ പുറത്താക്കിയത്. അമേരിക്കയുടെ പിന്തുണയോടെ അദ്ദേഹം ഒരു സൈനീക ഭരണകൂടം സ്ഥാപിച്ചു. [1] 1974-ല്‍ പിനോഷെ സ്വയം രാഷ്ട്രപതിയായി അവരോധിച്ചു. [2][3] 16 വര്‍ഷത്തോളം അദ്ദേഹം ചിലി ഭരിച്ചു. അദ്ദേഹം വ്യാപകമായി നടപ്പാക്കിയ വാണിജ്യ പരിഷ്കാരങ്ങളും അമേരിക്കന്‍ മാതൃകയിലെ ഉദാരവല്‍ക്കരണവും ആണ് ചിലിയുടെ ഇന്നത്തെ സുദൃഢമായ സമ്പദ് വ്യവസ്ഥയ്ക്ക് അടിസ്ഥാനമായത് എന്ന് പലരും വിശ്വസിക്കുന്നു. [4][5] അദ്ദേഹത്തിന്റെ എതിരാളികള്‍ ഈ സാമ്പത്തിക പരിഷ്കാരങ്ങള്‍ വന്‍‌തോതിലുള്ള തൊഴിലില്ലായ്മ, ദാരിദ്ര്യം, ശമ്പളത്തില്‍ വന്ന കുറവ് എന്നിവയ്ക്ക് കാരണം അദ്ദേഹത്തിന്റെ ഭരണം ആയിരുന്നു എന്നും ദീര്‍ഘകാല സാമ്പത്തിക ഭദ്രതയ്ക്ക് അദ്ദേഹത്തിന്റെ പരിക്ഷ്കാരങ്ങള്‍ ഗുണം ചെയ്തില്ല എന്നും വിശ്വസിക്കുന്നു. [6] ഓപ്പറേഷന്‍ കോണ്ടോര്‍ എന്ന സൈനീക നടപടി പിനോഷെയുടെ സര്‍ക്കാര്‍ നടപ്പാക്കി. ചിലിയെ കമ്യൂണിസത്തില്‍ നിന്നും രക്ഷിക്കുവാന്‍ ഇത് ആവശ്യമായിരുന്നു എന്ന് അദ്ദേഹം വിശ്വസിച്ചു. ഈ സൈനീക നടപടിയില്‍ 3000-ത്തോളം ഇടതുപക്ഷ അനുകൂലികളും സര്‍ക്കാര്‍ വിരുദ്ധരും കൊല്ലപ്പെട്ടു. [7] 30,000 പേരോളം ക്രൂരമായ പീഠനങ്ങള്‍ക്ക് ഇരയായി. 2006-ല്‍ മരണ സമയത്ത് പിനോഷെയ്ക്ക് എതിരായി 300-ഓളം ക്രിമിനല്‍ കേസുകള്‍ ചിലിയില്‍ നിലവിലുണ്ടായിരുന്നു. മനുഷ്യാവകാശ ധ്വംസനത്തിനും വഴിവിട്ട് ധനം സമ്പാദിച്ചതിനുമായിരുന്നു മിക്ക കേസുകളും. [8]
പിനോഷെ ലോകത്തിന്റെ പലഭാഗങ്ങളിലേയും ജനങ്ങളെ രണ്ടു ചേരിയായി തിരിക്കുന്നു. അദ്ദേഹത്തിന്റെ വിമര്‍ശകര്‍ മനുഷ്യാവകാശ ധ്വംസനത്തിന് പിനോഷെയെ വിമര്‍ശിക്കുമ്പോള്‍ അദ്ദേഹത്തിന്റെ അനുകൂലികള്‍ ചിലിയെ സാമ്പത്തിക ഭദ്രതയിലേക്ക് നയിച്ചതിനും ഒരു കമ്യൂണിസ്റ്റ് ഭരണം തിരിച്ചുവരുന്നത് തടഞ്ഞതിനും അദ്ദേഹത്തെ പ്രശംസിക്കുന്നു. [9][10]
[തിരുത്തുക] അവലംബം
- ↑ ജോര്‍ജ്ജ് വാഷിംഗ്ടണ്‍ യൂണിവേഴ്സ്റ്റി നാഷണല്‍ സെക്യൂരിറ്റി ആര്‍ക്കൈവ്:"Pinochet: A Declassified Documentary Obit" and "CIA Acknowledges Ties to Pinochet's Repression" (2006)[1] [2]
- ↑ "Profile: Augusto Pinochet", BBC, 3 December 2006. ശേഖരിച്ച തീയതി: 2006-12-15.
- ↑ "From tyrant to arrest and indictment", The Guardian, 11 December 2006. ശേഖരിച്ച തീയതി: 2006-12-15.
- ↑ http://www.hartford-hwp.com/archives/42a/086.html
- ↑ http://www.scaruffi.com/politics/chile.html
- ↑ http://www.huppi.com/kangaroo/L-chichile.htm
- ↑ http://abcnews.go.com/International/wireStory?id=2714962
- ↑ Chang, Jack, Yulkowski, Lisa. "Vocal minority praises Pinochet at his funeral", Bradenton Herald, December 13, 2006. ശേഖരിച്ച തീയതി: 2006-12-19.
- ↑ http://news.independent.co.uk/world/americas/article2064694.ece
- ↑ http://news.bbc.co.uk/2/hi/americas/6170117.stm
-
ഈ താള്‍ പൂര്‍ണ്ണമല്ല, ഇതു പൂര്‍ണ്ണമാക്കുവാന്‍ വിക്കിപീഡിയ സംരംഭത്തില്‍ പങ്കാളിയാവുക (ശ്രദ്ധിക്കുക: നവാഗതര്‍ക്ക് സ്വാഗതം, സഹായക താളുകള്‍)
