Øyer

Frå Wikipedia – det frie oppslagsverket

Våpen	Kart

Grunnleggjande opplysningar
Kommunenr:	0521
Fylke:	Oppland
Administrasjonssenter:	Tretten
Flatevidd:	640 km²
Folketal:	4 854 (2006)
Målform:	nøytral
Internettside:	www.oyer.kommune.no
Politikk
Ordførar:	Ole Hageløkken (Ap) 2004

Øyer er ein kommune i Oppland. Han grensar til Ringebu i nord, Stor-Elvdal i aust, Ringsaker og Lillehammer i sør, og Gausdal i vest. Kommunen omfattar to sogn, Øyer og Tretten. Totalarealet er ca. 640 km² av dette er rundt 20 km² vatn.

Øyer har tradisjonelt vore ein jord- og skogbrukskommune. Jordbruksarealet er på rundt 30 000 daa, produktivt skogareal på rundt 164 000 daa og utmarksarealet rundt 390 000 daa. Det er om lag 180 gardsbruk i drift i kommunen som til saman har 1 200 mjølkekyr, 350 ammekyr og om lag 8 000 sauer og lam på beite om sommaren. Øyer har òg ein viss svineproduksjon, og kommunen har nav i ein purkering og i ein teststasjon for storfe.

I Øyer har fjellet lenge vore viktig, også som jordbruksområde. På 1960-talet dyrka ein opp store område på fjellet, og i dag ligg ein tredjedel av all dyrka mark her. Spesielt for kommunen er at ein stor del av kommunen er statsallmenning, det vil seie at staten er grunneigar medan bruken blir administrert av fjellstyret.

I samband med OL på Lillehammer i 1994 tok reiselivsutbygginga av for fullt i Øyer. Hafjell Alpinanlegg har lagt grunnlaget for ei storstilt utbygging som omfattar hotell, leiligheitar, storhytter og mange nye private hytter kommet til.

Kommunen har mange ulike aktivitetstilbod, både knytte opp mot reiselivet og mot dei lokale innbyggjarane. Det er idrettsanlegg både i Øyer og på Tretten, og ein idrettshall finst på Tretten. Kommunen har fire lysløyper: Ved Tretten idrettshall, i Musdal som også er skiskyttarløype, på Granrudmoen og på Lisetra.