Ytre Arna

Frå Wikipedia – det frie oppslagsverket

Fakta om Ytre Arna Kommune: Bergen Fylke: Hordaland Folkemengd: 2 484 (2005) Postnummer: 5265 YTRE ARNA

Ytre Arna er ein tettstad i Bergen kommune i Hordaland fylke. Staden ligg ved Sørfjorden, på austsida av Bergenshalvøya.

[endre] Historie

Ytre Arna er eit gamalt industrisamfunn ved Sørfjorden. Arne fabrikker blei grunnlagd her av Peter Jebsen i 1846. I eldre tider vart staden kalla "Ælvæ" etter Blindheimselva som var godt synleg før fabrikken kom.

Inntil 1972 høyrde Ytre Arna til Arna kommune og inntil 1964 til Haus kommune under Osterøy. Dette var naturleg i ei tid då fjordane med båttrafikk bandt bygd og kyrkjesokn saman. Det gjekk ferje mellom Haus - Garnes - Votlo og Ytre Arna til langt ut på 1970-talet. I dag er Bergen den mest naturlege staden å tilhøyre for Arna.

[endre] Geografi

Ytre Arna strekkjer seg langs den vestlege delen av Arnavågen og videre eit stykkje langs Sørfjorden som går rundt Osterøy. E16 går gjennom Ytre Arna.

[endre] Kjelder

• Statistisk sentralbyrå: Tettstadar. Folkemengd og areal, etter kommune. 1. januar 2005