Bulgar
Un article de Wikipèdia, l'enciclopèdia liura.
| Bulgar (Bulgar Български Bǎlgarski) | |
|---|---|
| Parlat en : | Bulgaria, Ucraïna, Moldàvia, Serbia, Romania, Macedònia, Grècia e Turquia. |
| Regions : | Balcans |
| Parlat per : | 12 milions de personas |
| Classament : | 88ena mai parlada |
| Tipologia : | SVO [1]
Flexionala - Accentuala |
| Familha lingüistica : | grop indo-europèu Balto-eslau |
| Estatut oficial | |
| Lenga oficiala de : | Bulgaria |
| Acadèmia : | |
| ISO 639-1 | bg |
| ISO 639-2 (B) | bul |
| ISO 639-2 (T) | bul |
| Mòstra: | Article primièr de la Declaracion dels Dreches de l'Òme Член 1 |
| Veire tanben : {{{grop}}} – lenga, lista de lengas | |
Lo bulgar es la principala lenga de Bulgaria e sa lenga oficiala. Lo bulgar es una lenga que aparten al grop de las lengas eslavas meridionalas de la familha de las lengas indo-europèas, e es fòrça pròcha del macedonian que d'unes consideran coma un dialècte del bulgar. La lenga a 12 millions de locutors. Tanben foguèt la primièra lenga eslava que produguèt una literatura, e la forma del primièr estadi d'aquesta lenga serviguèt de lenga eclesiastica per la Glèisa ortodòxa. Lo bulgar s'escriu amb l'alfabet cirillic, amb pasmens qualques diferéncias, respècte al rus. Se compausa en efècte de 30 letras, e la prononciacion del bulgar es pro diferenta d'aquela del rus.
Lo bulgar es un cas particular dins l'ensems de las lengas eslavas, amb doas especificitats : es l'unica lenga del grop que possedís pas de flexions de cas, e es l'unica lenga del grop que possedís un article (postpausat). Aquela darrièra particularitat ne fa un dels membres de l'union lingüistica balcanica amb lo romanés, lo grèc e l'albanés. Çaquelà lo bulgar conservèt tota la complexitat del sistèma verbal que caracteriza las lengas eslavas.
