Kultura
Di Wikipedia, e ensiklopedia liber
[editá] Definí "kultura"
Kultura ta e manera ku hende ta sosial ku otro. E manera ku hende ta sosialisá otro, forma famia, forma grupo i organisá aktividat. Kultura ta tambe e manera ku hende ta atendé ku nan alrededor. E manera di sosialisá ku hende ta keda hasí den kuadro di norma, balor, idea, idioma, regla i kreensia. A base di esaki nan hende por husga otro, pensa, duna opinion i tuma un desishon. E kultura aki (manera di ta sosial ku otro) a krese segun tempu i ta mará na kambionan konstante. E interakshon aki tin pa resultado ku hende a kuminsá krea nan propio kosnan (produkto) pa por biba di dje òf pa hasi nan bida mas fásil. Tin sigur ku tur loke ta hasi bida mas klarifiká ta trese tambe sierto fasilidat den bida diario. Hende a produsí ayera, awe i mañan pa hasi bida mas fásil i klarifiká. Tur esaki nan ta forma un parti di kultura.
[editá] Ekspreshonnan kultural
Kultura no ta solamente un arte. Pero kultura ta tur kos ku hende ta produsí den bida diario. Nan ta kosnan material òf no material. Pues bou di ekspreshonnan kultural ta kai;
~ Músika ~ Kustumber ~ Kreensia ~ Arte - Baile - Teater - Literatura - Pinta kuadro ~ Norma ~ Balor
Pues kultura no ta solamente arte, sino tur kos ku hende ta produsí den nan bida diario pa hasi bida mas fásil i klarifiká.
Tin diferente área ku nos por papia tokante di dje pa loke ta toka nos pais Kòrsou. Nos por kuminsá di menshoná un aktividat grandi ku ta tuma lugá tur aña den febrüari. Ta trata di nos famoso fiesta di karnaval. Aki nos ta selebrá tur afo, un temporada promé ku kuaresma. E temporada di preparashon tambe ta hopi eksitante. Festival di tumba, tin roadfire, tin elekshon di reina prens ku pancho pa marcha grandi, marcha di mucha i parada di hóben. Tambe tin hopi jump-up ku jump-in.
