Scots Gaelic leid

Frae Wikipedia

The factual richtness o this airticle is quaistent. Tak a keek at the collogue page.

The Scots Gaelic leid (Gàidhlig) is ane o the aulder leids o Scotland.

It is a Q-Celtic leid that's spak in the northren pairt o Scotland (the Hielands an Islands ), an abreed in Canadae (Cape Breton Island, Nova Scotia). It is sib tae the Erse an the Manx Gaelic, an tae the Welsh, Cornish an Breton forby.

It wis spak in maist o the Lawlands, e.g.

• Buchan - Buik o Deer, auldest beuk in the Scots Gaelic
• Caithness - The Caithness book
• Gallowa & Ayrshire - Robert the Bruce an Walter Kennedy baith spak Scots Gaelic.
• Glesca - "Auchenshuggle", "Govan", "Drumchapel" etc. aw cam fae Scots Gaelic an aw. Glesca still haes a michty community the day o Gaels that speaks the Gaelic.

Gin the Pechts wis in Caledonia afore the Scots or Scotland forby, Scots Gaelic haes some o thair tongue in it. Wirds the likes o "Ben" (Head/Peak) an "Aber" (Gub o a muckle river) gies us a keek at the real aulder leid o Scotland or as it's kent frae auld lang syne as "yr Alban" in the Welsh, Cornish an Breton forby. Ben an Aber is niver fund in the Erse

This Pechtish leid wis a gey close kin o the Welsh an the aulder forebeirs o fowk in Scotland wis kent by maist as the Pechts an afore them wis the real "Aulder Kindred" the Creenie. Aw thae Celties an Widkerns that haedna been brocht inta the Roman Imperium wis gien the Laitin name "populi picti" (pentit fowk) an this is whaur Pict comes frae.

There wis Britanni (in Laitin) or mair like "Pretani" that micht coud be unerstuid bi ony modren body wi the Welsh Leid an mair o mair import they warna "tame" they bade ootwi the waws baith Hadrian's an the Antonine. Tae the Romans they war a richt pain, but the mercators troked an the raidin gaen on athort the waws. In aulder times afore the Romans the tribes or clans of the "Pretani" frae the Sooth o England tae the Nor' end o Scotland wis kith an kin an shared a cultur an leid. The Romans wi their Empire chynged aw that.

It disna maiter syne the auld Welsh o Scotland wis a form of P-Celtic an samples o it bides yet in place names sic as Ecclefechan(Eglwys fechan or the "Kirk o the Yunkers". Mony a place in Scotland still hauds bitties o the auld leid an gies us the clue that Arthur an Merlin micht just hae been in Camelot close forenenst Fawkirk or, Eglwys Brych tae gie it's aulder name.

The Gaelic leid in Scotland wis brocht ower the watter frae Ulster, efter the Romans.

Hou this cam aboot is gey interestin.

There wis a Kinrick in Ulster haurd forenenst the coast richt alang by the Giant's Causey cried Dalriada wi a wheen o warriors cried the Scots. If ye leuk at the auld cairts ye'll see the Scots in Ireland an the Pechts in Scotland.

The Scots frae Dalriada invadit an settelt in Scotland first aboot 1300 -1400 year syne. They first laundit in the Mull o Gallowa.

The Erse Scots haed setten up a new Kinrick in the Wast cried Wee Dalriada or Dalriada Beag. They spak the Erse an by mairyin, sodgerin, fosterin an mony a gey sleekit ploy, they made themsels the Lairds o the Isles an wis the stairt o the Kinrick o Scotland.

Some o thir ploys wis guised wi the cloak o the Christian Kirk wi monarchs that haed gane ower the watter afore the Scots sodgers tae the Islands an Scotland its ainsel.

Colum O'Donnell (Crimann O'Donnell) kent in Scotland as St.Columba wis ane o them. He wis a bricht an licht laddie, wha wis a Prince o the O'Donnells o Tirconnell in Ulster as weel.

He needit tae gae awa frae Ireland acause o some braw fechtin he wis the cause o. He thoct that he an his monarchs needit some edge sae aff he cairtit wi him the crounin Stane o the Ulster Clans frae Ireland tae Iona. This aw happent aboot a hunder year afore the first settlin o Dalriada Beag.

This Stane wisna missed frae Ulster as Colum wis the tap cleric there onywey an as it wis uised frae the first for crounin Kings an Lairds frae baith Ireland and Scotland. Things haes a habit o driftin an efter some time the name o this stane chynged an it wis cried the Stane o Destiny (the weird stane) or whan they aw traipsed aff tae Scone, the Stane o Scone.

But man, yon Columba an his monarchs wis the verra deil for preachifeein an speechifeein them auld Pechts an it wisna gey lang afore there's a wheen o Christians that wis gey suitable brides for the Dalriada Beag Lairds an their sodger boys.

Thir Scots Lairds o the Wast o Scotland cairied their leid an ither modes wi them an it wisna lang afore the maist o the Wast an the Islands haed the Leid o the furriners.

An aye, Robert the Bruce aiblins spak the Gaelic syne his sister wis mairiet on the Laird o Rathlin Island, juist aff the coast o Ballycastle, in Erse Dalriada.

This wis whaur he flee'd efter his ructions an whaur he glimpit yon wee speeder, no in some driech an lour cave but in a gey comfy castle.

Template:Interwiki