Irak
From Wikipedia
Siograpi > Asia > Wes Asia > Irak < Kantri
Republik bilong Irak i wanpela kantri bilong Wes Asia. Long Saut, em i gat arere waintaim Saudi Arabia na Kuwait. Long Not, em i gat arere wantaim Taki, long Notwes wantaim Siria, long Wes wantaim Jodan, na long Es wantaim Iran. Kapitol bilong Irak i Bagdad.
[edit] Gavman
Stat long yia 1979 i go long yia 2003, Ba'ath Pati ol i save bosim Irak. Sadam i save Presiden. Long Mun Mas bilong yia 2003, ami bilong Inglis na Amerika ol i stiaim inveson long Irak. Ol i pusim Sadam na Ba'ath Pati na ol i lusim gavman. Nupela gavman i ol i kamap long De namba 28 long Mun Jun bilong yia 2004. Ghazi al-Yawer i kamap presiden bilong dispela nupela gavman.
[edit] Graun na ples bilong Irak
Irak i gat planti ples wesan, tasol i gat wanpela hap bikpela tru, graun i gat gris longen. Dispela hap i stap namel long tupela wara, ol i kolim Yuprates na Tigris. Na tu, Irak tu i gat wanpela smolpela nambis long solwara ol i kolim Pesia Galp. Taim bilong ren na hat na kol, em i olsem ples wesan: winta, o taim bilong kol, em i no hat tumas na i no kol tumas. Sama, o taim bilong san, em i draipela na hatpela tru, na ren i no pundaun.
[edit] Bisnis
Bipo tru Irak i save mekim planti bisnis bilong salim wel bilong graun. Em i salim bikpela hap bilong dispela wel i go long narapela kantri. Tasol taim Irak i bin invesenim Kuwait long Mun Ogas long yia 1990, UN, o Bung Kantri olgeta Graun, i stopim Irak na i no salim wel. Nau bihain long dispela taim, UN i bin larim Irak na i save salim sampela wel na i inap baim kaikai na klos na marasin ikam long narapela kantri. Long yia 2003, bikpela pait wantaim Amerika na Inglis i bin stat long Irak, na bisnis i dai.
