München
vanuit Wikipedia, die vrye ensiklopedie.
| München | |
|---|---|
 |
 |
| Land: |  Duitsland |
| Deelstaat: |  Beiere |
| Stigting: | 1158 (eerste verwysing) |
| Koördinate: | 48° 08' N, 11° 34' O |
| Oppervlakte: | 310,43 km² |
| Bevolking: | 1 325 697 (30 November 2006) |
| Bevolkingsdigtheid: | 4 271 / km² |
| Hoogte: | 519 m bo seespieël |
| Burgemeester: | Christian Ude (SPD) |
München aan die Isarrivier is op twee na die grootste stad van die Bondsrepubliek Duitsland en hoofstad van die suidoostelike deelstaat Beiere met sowat 1 325 000 inwoners in die stad en 2 600 000 in die metropolitaanse gebied (2006).
Die stad is 'n kulturele sentrum met universiteite, talle historiese geboue en meer as 12 000 ondernemings in die media- en rolprentbedryf. Sedert die sewentigerjare het die stad tot een van die welvarendste in Europa ontwikkel; die stad huisves 'n bloeiende ekonomie met groot transnasionale korporasies soos Siemens, BMW, MAN en Allianz. Ander belangrike nywerhede is lug- en ruimtevaart, brouerye, elektroniese ingenieurswese en wetenskaplike gereedskap.
