Tafelberg Nasionale Park
vanuit Wikipedia, die vrye ensiklopedie.
Die Tafelberg Nasionale Park is 'n natuurreservaat op die Kaapse Skiereiland by Kaapstad, Suid-Afrika Die park wat in 1998 gestig is beslaan die Tafelberg-bergreeks, wat van Seinheuwel in die noorde strek tot by Kaappunt, en die see en kus van die skiereiland. Die nou stukkie land word omsluit deur die Atlantiese Oseaan aan die westekant en die warmer Valsbaai aan die oostekant. Die park is ryk aan plant en dierelewe insluitend die Kaapse fynbos. Die park is uniek in die sin dat dit geheel en al in ' stedelike gebied geleë is. Dit is ook ryk aan historiese en kultuurskat. Die park is grotendeels vrylik toeganklik en toegangsfooie is slegs op drie plekke betaalbaar naamlik by Kaap die Goeie Hoop, Boulders en Silwermyn. Die park is tans 25 000 hektaar groot en daar word beoog om 'n verdere 5 000 hektaar by die park te voeg. Tydens die vestiging daarvan is die park befonds deur die Global Environmental Facility (GEF) in Washington wat betaal het vir vestiging en die uitroei van uitheemse indringer plante. 'n Ander bron van befondsing was die Franse Fonds Francais Pour L'Environnement (FFEM). Die park word nou verder uitgebrei en onderhou uit vondse van die Uitgebreide Openbare Werke program van die Department van Omgewingsake en Toerisme en indringer plante word bekamp deur die Werk vir Water program van die Department van Wateraangeleenthede en Bosbou.
[wysig] Eksterne skakels
 |
Provinsie Wes-Kaap |
|---|---|
| Hoofstad: | |
| Streke: |
Kaapse Skiereiland | Kaapse Wynlande | Tuinroete | Klein Karoo | Overberg | Weskus |
| Grootste stede en dorpe: |
Kaapstad | George | Knysna | Oudtshoorn | Paarl | Robertson | Stellenbosch | Swellendam | Worcester |
| Munisipaliteite: |
Beaufort-Wes | Bergrivier | Breederivier | Breederivier/Wynlande | Breedevallei | Kaap Agulhas | Sederberg | Sentraal-Karoo | Kaapstad | Drakenstein | George | Kannaland | Knysna | Laingsburg | Langeberg | Matzikama | Mosselbaai | Oudtshoorn | Overberg | Overstrand | Plettenbergbaai | Prins Albert | Saldanhabaai | Suid-Kaap | Stellenbosch | Swartland | Swellendam | Theewaterskloof | Weskus | Witzenberg | |
