Wasser
Us der alemannische Wikipedia, der freie Dialäkt-Enzyklopedy
Wasser (uch Wasserstoffoxid, Hydrogeniumoxid, Diwasserstoffmonoxid, Dihydrogeniumoxid odr Dihydrogenmonoxid) isch e chemischi Vrbindig (Molekül) us Suurstoff un Wasserstoff (chemischi Formel: H2O). De Bezeichnig Wasser wird bsunders für de flüssigi Aggregatszustand verwendet, em feschde, also gefrorene Züstand isch es Eis, em gasförmige Zustand Wasserdampf odr oifach nur Dampf.
Rund 70% vo de Erdoberflächi isch mit Wasser bedeckt, wovo s meischte Salzwasser isch.
[ändere] Anomalie vom Wasser
Di sogenannti Anomalie vom Wasser chan mer mit de Wasserstoffbrugge erchläre. Wäge dene Wasserstoffbrugge bsitzt s Ys en klar definierti Kristallstruktur. Wenn s Ys schmilzt, denn bräched ned grad alli vo dene Wasserstoffbrugge, au im Flüssige Zuestand sind immer no welchi vorhande. Be ere witere Tämperaturerhöchig gönd denn au die nadisna kaputt und d Wassermolekül chönd sich freier bewege und sich "platzsparender" aordne. De Effekt isch bis ca. 4°C beobachtbar; be höchere Temperature wird de Effekt vo de Wärmeusdehnig überlageret, sprich, d Molekül bruched wider meh Platz zum sich bewege.
