Latein
Aus Wikipedia
 |
Der Artikl is im Dialekt „Owaöstareichisch“ gschriem worn. | |
S'Lateinische is a Sproch, de wos eigntli scho ausgstuam is. Gradt hom's de Sproch im oitn Rom voa mea wia 1000 Joa. Heit is imma nu de offizielle Sproch vum Vatikan, wo jo da Ratzi daham is. Und obwoihs fost kana mea vasteht und ma eigntli mit so guat wia neamt si af lateinisch untahoitn ko, miassn imma nu vü Leit in da Schui Latein lerna.
Wia olle aundan Sprochn woa a s'Lateinische net afoch auf amoi do und hot si nimma entwückit. So hot si de Sproch a im oitn Rom scho ständig vaändat und hot des a weita dau und iatst homma ois Ergebnis de Romanischn Sprochn: Spanisch, Portugiesisch mit Brasilianisch, Fraunzösisch, Italienisch, Rumänisch mit Moldawisch, Sizilianisch, Katalanisch, Galicisch, Okzitanisch, Sardisch, Furlanisch, Ladinisch, Räto-Romanisch und Aragonesisch (sortiat noch da Anzahl vo Muttasprachla). Und des sand blos de Standardsprachn, danem gebts no an Haffa romanische Dialekte.
[dro wärkln] A poa Bsundaheitn vum Lateinischn sant
- sechs Fälle: Nämli de unsrigen und a nu an Vokativ und an Ablativ
- s'Verb wird hauptsächli mit Endungen gebeugt, net mit Hüfszeitwörta
- de Wortstellung is fost egal (Theoretisch kaunst stot "Mei Vota hot zwöf Bia trunga" a "Bia mei trunga Vota zwölf hot" schreim, weil de Endungen zang, wöche Wörta zaumghean.)
[dro wärkln] A waun mas goa net merkn, a poa Lateinische Sochn kennt a jeda!
- s'Video: video=ich sehe
- da Audi: Übasetzung vum oitn Naumen Horch
- d'Republik: res publica=öffntliche Soch
- Gaudi: vo gaudium=Freid
Des sant neta a poa Beispiele, do gabats natiali nu vü meara.
