Durango (subŝtato)
El Vikipedio
Geografio > Ameriko > Meksiko > Durango < provinco
Durango estas provinco de Meksiko kun samnoma ĉefurbo (kun plena nomo Victoria de Durango). Ĝi situas norde, de Pacifiko ĝin disigas nur la mallarĝa teritorio de Sinaloa. Ĝi havas areon de 120.000 km² kaj loĝantaron de preskaŭ 1,5 milionoj, el kiuj triono vivas en la ĉefurbo. Ĝi dividiĝas en 39 komunumojn (municipoj); ĝia kodo laŭ ISO 3166-2 estas "MX-DUR".
La nomo de la provinco honoras la urbon Durango en la eŭska hispana provinco Biskajo. En la kolonia tempo Durango kaj Chihuahua konsistigis komunan teritorion sub la nomo Nueva Vizcaya (= nova Biskajo).
En la ŝtato kruciĝas la sud-norda tra-amerika ŝoseo (Panamericana) kaj la ŝoseo inter Matamoros ĉe Atlantiko kaj Mazatlán ĉe Pacifiko. Nordoriente de la provinco troviĝas tiel nomata zono de silento, kie radiaj ondoj estas preskaŭ ne kapteblaj. La kialo ne estas perfekte esplorita.
[redaktu] Ekstera ligo
|
|
 |
||
|---|---|---|---|
|
|||
