Maglevo
El Vikipedio
Maglevo estas la nomo de trajno, kiu estas pelata per magnetoj en la trako kaj la trajno. La vorto estas mallongigo de "Magnetic levitation (train)" (angla) - tio estas "magneta ŝvebigo". La maglevo aŭ glistrajno fakte ne estas vera trajno. La veturilo ŝvebas 10 cm super la trako pere de magneta kampo. La trajno estas propulsita pere de lineara indukta motoro (LIM). Principe estas du ebloj por generi la bezonatan magnetkampon:
- la elektromagnetoj en la veturilo (pasiva trako)
- la elektromagnetoj en la trako (aktiva trako)
Ambaŭ metodoj havas avantaĝojn kaj malavantaĝojn. Iom post iom la aktive traka koncepto (magnetoj en la trako) venkis de la pasiva trako. Speciale la fakto ke la (pezaj) magnetoj de la pasive traka koncepto estas en la veturilo (kaj do ankaŭ devas esti levataj kaj transportataj) estas pro grava kaŭzo pro tio. La hodiaŭaj glistrajnoj havas magnetojn en la trako.
La ideo de la maglevo estas de la germana inĝeniero H. Kemper kiu jam en 1935 akiris patenton. Dum la 1960-aj jaroj kaj 1970-aj jaroj tiel en Germanio kiel en Japanio oni eksperimentis kun la maglevo. En Germanio dum la 1970-aj jaroj oni faris provojn kun ambaŭ konceptoj, subtenita de la germana registaro (Ministerium für Forschung und Technologie). La pasivan trakan koncepton esploris la firmao Krauss Maffei en kunlaboro de MBB (Messerschmitt-Bölkow-Blohm) kaj la aktivan trakan koncepton de la konsorcio kun AEG , Siemens kaj BBC . Krauss Maffei konstruis provtrakon en Bavario por ilia Transrapid TR01. La germana registaro integrigis ambaŭ konceptojn fine de la 1970-aj jaroj en la Arbeitsgemeinshaft Transrapid. La hodiaŭa Transrapid do estas glistrajno kun la aktive traka koncepto.
Enhavo |
[redaktu] Aplikoj en Germanio
En la germana Lathen, oni konstruis testotrakon por la de Thyssen disvolvinta Transrapid. La testotrako estas malfermitaj por (antaŭanoncitaj) publikaj veturoj.
Por la unua komerca apliko oni esploras la konstruon de 38 km longa magnetotrako inter la centra stacidomo de München kaj la flughaveno 'Franz-Josef Strauß'. Per tio oni povas redukti la vojaĝotempon de 45 minutoj per la hodiaŭa S-Bahn al 10 minutoj per la maglevo.
Je la 22-a de septembro 2006 sur la testotrako okazis akcidento, en kiu mortis 23 el la 29 pasaĝeroj kaj deĵorantoj. Pasaĝera trajno koliziis kun mastruma vagono, kies tasko estis purigi la trakon.
[redaktu] Aplikoj en Ĉinio
En Ĉinio oni ekpluatas la ĝis nun ununuran komercan glistrajnon: je linio en Ŝanhajo, inter la kvartalo Pudong kaj la flughaveno Ŝanhajo Pudong. La linio estas konstruita de la Transrapid-konsorcio. La longeco de la trajekto estas 29,863 km kaj la veturo daŭras 7,5 minutojn. La maksimuma rapideco de la trajno estas 430 km/h, kiun oni atingas post 3 minuta akcelado. La lastajn 3 minutojn oni uzas por bremsi.
[redaktu] Eksteraj ligiloj
- Maglevo en Ĉinio, Japanio kaj Germanio
- http://www.maglevboard.net
- Retejo de Transrapid International (germane, angle kaj ĉine)
- Historio de la glistrajno en Germanio (angle kaj germane)
[redaktu] Vidu ankaŭ
