Monda Asembleo Socia

El Vikipedio

Monda Asembleo Socia (MAS) estas tutmonda organizo de Esperanto-parolantaj homoj kiuj konvinkiĝis ke pli bona mondo eblas kaj kiuj kune diskutas kaj agas por realigi ĝin. Ĝi estas fondita la 2-an de aŭgusto 2005, post fondado per interreto, kiu komencis la 5-an de marto 2005, lanĉite en Havano dum la Nacia Kongreso de Kuba Esperanto-Asocio (KEA), kaj kiu, post diskutado finaprobis sian statuton la 2-an de aŭgusto 2005.

[redaktu] Apartaĵoj

Ĝi estas asocio kiu laboras ekskluzive per interreto,
ĝi havas nek estraron nek plenumkomitaton nek prezidanton nek konfliktkomisionon kaj praktikas bazdemokration,
ĝi asertas esti komplete travidebla por ĉiuj siaj membroj,
ĝiaj membroj ne pagas kotizojn,
ĝi havas 3 kondiĉojn por membriĝi: 1. paroli Esperanton, 2. disponi pri funkcianta retpoŝt-adreso kaj 3. subskribi la statuton,
ĉiuj membroj de MAS rajtas publikigi siajn artikolojn (aŭ de ili tradukitajn artikolojn) en la retpaĝo de MAS.

[redaktu] Celoj

La celoj estas, interalie - laŭ la statuto -:

agi por la monda paco,
defendi la interesojn de la tuta homaro ,
klopodi por evoluigi - komencante ĉe si mem - eksternacian pens- kaj ag-manieron home solidaran,
kontribui «al starigo de mondvaste senklasa socio sen ekspluatado, socio kiu respektas la dignon de siaj membroj sen distingo de aĝo, haŭtkoloro, sekso, seksemo, etna aŭ nacia aparteno kaj kredo - socio kiu organizas sian ekonomion laŭ la bezonoj de ĉiuj siaj membroj, protektante la planedon Tero por estontaj generacioj.»