FC Bayern München

Na Galipedia, a wikipedia en galego.

F. C. Bayern München

{{{escudo}}}

Nome completo

Fußball-Club Bayern München

Alcume(s)

Os vermellos

Fundación

27 de Febreiro de 1900

Nome do estadio

Allianz Arena,
Múnic,

Inauguración

30 de maio do 2005

Capacidade

70.000

Presidente

Karl-Heinz Rummenigge

Adestrador

Ottmar Hitzfeld

Liga

1 Bundesliga

Temp. 2005-06

1º

Marca da camiseta

Mythos

Publicidade da camiseta

T-mobile

Páxina web oficial





Na súa casa





Fóra

O Bayern Múnic (alemán: FC Bayern München) é un club de fútbol de Alemaña, da cidade de Múnic en Baviera. Foi fundado o 27 de febreiro de 1900 e xoga na primeira división da Bundesliga (liga alemá de fútbol).

Índice

1 Historia
2 Uniforme
3 Estadio
4 Xogadores Importantes
5 Palmarés
- 5.1 Torneos nacionais
- 5.2 Torneos internacionais
6 Ligazóns Externas

[editar] Historia

Foi fundado no ano 1900 na cidade bávara de Múnic. O club é o máis famoso e exitoso do seu país, e ten máis de cen mil socios inscritos, o que o fai tamén o máis grande e popular. O equipo é, ademais, un dos únicos catro en gañar as tres copas europeas. O momento máis álxido da súa historia chegou a mediados da década do '70, cando acadaron tres Copas de Europa de xeito consecutivo (1974, 1975 e 1976).

Os comensais que na noite do 27 de febreiro de 1900 ceaban no restaurante Gisela de Múnic non podían sospeitar que naquel momento, nunha das mesas xunto a eles, se estaba a xestar o nacemento do mellor equipo de Alemaña.

O equipo máis grande de Alemaña

Franz John, xogador do MTV 1879 e dez dos seus compañeiros, cansados das condicións en que tiñan que traballar, reuníronse aquel día para rescindir o contrato que tiñan co seu club.

O club que crearon chamouse Schwabinger Bayer. Anos mais tarde trocarían o nome polo de Bayern de Múnic. Os comezos do equipo foron difíciles, á sombra do MTV 1879 e sen apenas medios, o club tivo que superar moitas dificultades para sobrevivir.

A popularidade doutros deportes, especialmente dende a chegada dos nazis ó poder, relegou ó fútbol a un segundo plano. Rematada a II Guerra Mundial o fútbol seguía a ser o irmán pobre do deporte alemán.

Cando Alemaña conseguiu o Campionato do Mundo en 1954, a tendenza inverteuse radicalmente e o fútbol converteuse no deporte máis popular do país. A apisoadora alemá nacera. En 1963 creouse a liga alemá, a Bundesliga, pero o Bayern non foi invitado a xogala. O seu primeiro ano na Bundesliga coincidiu coa chegada dun xove xogador chamado Franz Beckenbauer ó club.

Beckenbauer tiña abandonado o seu club, o Múnic 1860 tras dunha discusión cos directivos. Até que punto lamentaron os directivos esa discusión a historia o di. No Bayern xa xogaba un xove porteiro chamado Sepp Maier e na dianteira un home ó que o entrenador chamaba o "muiñeiro gordiño".

Anos despois ese sobrenome sería substituído por outro, que o mundo enteiro coñecería: "Torpedo Muller". No seu primeiro ano na Bundesliga, a temporada 1965/66, o Bayern conseguiu o seu primeiro título nacional. Ó ano seguinte gañou a Copa e no 67 iniciou a conquista de Europa.

Na final da Recopa ese ano enfrontáronse a un dos mellores Glasgow Rangers da historia. Os alemáns pasaronlles por enriba sen contemplacións. Alemaña convertérase no berce dos mellores xogadores do continente.

En 1974 nunha final que pasará á historia o Bayern empatou ante o Atlético de Madrid grazas a un disparo dende o centro do campo no minuto 92 do partido. No partido de desempate disputado ó día seguinte, o Bayern acadou a súa primeira Copa de Europa ó gañar, esta vez sen paliativos por 4-0.

Ese verán a columna vertebral do Bayern gañou a segunda Copa do Mundo para Alemaña ante a laranxa mecánica de Johan Cruyff. O dominio do "Kaiser", sobrenome de Franz Beckenbauer, non rematara aínda. En 1975 o Bayern gañou a Copa de Europa e repetiu triunfo en 1976.

Beckembauer retirouse en 1977, e o equipo notou a súa ausencia durante tres anos nos cales non conseguiu ningún título. Estes volveron da man dun mozo loiro e delgado chamado Karl Heinz Rummenige. Dúas ligas, unha no 80, outra no 81 e unha copa no 82 pechan a época gloriosa do Bayern.

Desde entón o carrusel de técnicos que pasaron polo equipo non conseguiron devolver ó Bayern os seus días de gloria. En 1987 o Bayern, que chegara á final da Copa de Europa, foi derrotado polo Oporto dun raparigo de 18 anos chamado Paolo Futre. O Kaiser volveu ó equipo para rescatalo da mediocridade, esta vez desde a bancada, e como non podía ser doutro xeito o Bayern gañou o campionato.

Despois, retirouse aos despachos para dirixir ó equipo desde a Presidencia. O equipo recuperou coa súa xestión parte do brillo perdido. Con Jürgen Klinsmann no campo o Bayern inscribiu o seu nome na lista de campións da UEFA en 1996. Tres títulos máis na década dos 90 devolveron ó Bayern ó seu lugar en Alemaña, unha Copa e dúas ligas, a última das cales daría ó equipo o pase á Champions.

Despois de demostrar ser o equipo máis forte da competición, o equipo chegou á final que se xogou en Barcelona. Nun partido que os alemáns desexan esquecer o Bayern gañaba por un gol a cero no minuto 88 do partido. En tan só dous minutos o Bayern viuse despoxado da gloria con dous goles dos ingleses, noutra cruel final da Copa de Europa .

En 2001 o equipo bávaro tomou cumprida revancha, volvendo a reeditar os seus laureis de campión da Copa de Europa (Liga de Campións) nunha final decidida aos penaltis contra o Valencia CF.