Móstoles

Na Galipedia, a wikipedia en galego.

Móstoles é o segundo concello da provincia de Madrid con maior número de habitantes despois da capital e o terceiro da zona central de España (Castela e León, Comunidade de Madrid e Castela A Mancha) despois de Madrid e Valladolid, pertencente á comunidade autónoma de Madrid (España). Recentemente adoptou a Lei de Grandes Cidades. Nel se encontra o campus tecnolóxico, a sé central da Universidade Rei Xoán Carlos e a sé central das BESCAM (Brigadas Especiais da Comunidade de Madrid). É ademais unha das cidades máis limpas de España, premiada coa "vasoira de prata".

Índice 1 Bandeira e escudo 2 Extensión e poboación 2.1 Distritos 3 Localización 3.1 Distancias 4 Transportes 4.1 En Coche 4.2 En Metro 4.3 En Tren 4.4 En autobús 4.5 En avión 5 Poboacións Irmandadas 6 Clima 7 Infraestrutura 8 Lugares de lecer e de interese 8.1 Edificios relixiosos 8.2 Edificios civís 8.3 Monumentos e esculturas 8.4 Parques e zonas verdes 8.5 Prazas e Avenidas 8.6 Lecer e lugares comerciais 9 Festas 9.1 Tradicións 10 Mostoleños ilustres 11 Curiosidades 12 Economía

[editar] Bandeira e escudo

A bandeira inclúe as seguintes cores: dende unha perspectiva actual, aparece o vermello, que simboliza a pertenza á Comunidade de Madrid; o azul Prusia, símbolo de identidade dos mostoleños e de pertenza á Unión Europea; e o amarelo-gualda (ouro), que expresa a prosperidade, como anhelo dos veciños procedentes de diversas rexións españolas que estableceron a súa residencia na cidade na década dos setenta do pasado século.

[editar] Extensión e poboación

• 216.463 habitantes (INE 2006). Superando a capitais de provincia como Tarragona ou San Sebastián.
• O termo municipal ten unha extensión de 45 km².
• Densidade de poboación: 4.665,6 hab/km²
• A maior parte da poboación agrúpase en torno ó casco urbano de Móstoles.
• Xentilicio: mostoleños, mostolenses ou mostoleros.

Poboación

Distrito	Habitantes
Centro	52.000
Norte-Universidade	60.000
Sur-Leste	54.000
Oeste	40.000
Coimbra-Guadarrama	10.000
TOTAL	216.000

[editar] Distritos

• Centro: abrangue o centro da cidade, basicamente o casco urbano. Ten unha poboación duns 52.000 habitantes.

• Norte-Universidade: na zona norte do concello. Inclúe barrios como Los Rosales, Estoril II, Iviasa, Princesa e Parque Vosa. A poboación é de 60.000 habitantes.

• Sur-Este: comprende barrios como Villafontana, Estoril I, Cerro Prieto, Pinar de Móstoles, La Loma, etc. cunha poboación duns 54.000 habitantes.

• Oeste: os principais barrios son os do Souto, Azorín, San Fernando, Hospital e Pinares llanos. Conta con 40.000 habitantes aproximadamente.

• Coimbra-Guadarrama: abrangue a zona de Parque Coimbra e Guadarrama. É o distrito menos poboado, con 10.000 habitantes, pero é o que maior crecemento ten.

[editar] Localización

• 18 quilómetros ó sueste de Madrid, forma parte do área metropolitana da capital.
• É a capital da Zona Sur da comarca Área Metropolitana de Madrid, a cal se divide en 5 zonas. A zona Sur da comarca comprende á parte da Móstoles como capital a: Álcorcón, Aranxuez, Ciempozuelos, Fuenlabrada, Getafe, Humanes de Madrid, Leganés, Parla, Pinto, San Martiño de la Vega e Valdemoro. Tamén é capital do Sur de Madrid, que comprende a zona Sur do Área Metropolitana e as comarcas Conca do Alberche, Conca do Teixo e Sur.(esta última capitalidade non oficial disputada con Getafe).
• Coordenadas xeográficas. 40º 20' latitude norte, 3º 52' lonxitude oeste.
• O seu termo municipal limita, ó norte e oeste co de Villaviciosa de Odón, ó nordeste co de Alcorcón, ó leste co de Fuenlabrada, ó sur cos de Arroyomolinos e Moraleja de Enmedio e ó sueste co de Navalcarnero.

[editar] Distancias

• Alcalá de Henares - 40 km.
• Alcorcón - 4,3 km.
• Barcelona - 638 km.
• Fuenlabrada - 5,7 km.
• Getafe - 9,9 km.
• Leganés - 7,3 km.
• Lisboa - 608 km.
• Madrid - 18km.
• Sevilla - 536,9 km.
• Toledo - 58 km.

[editar] Transportes

[editar] En Coche

• Autovía de Estremadura A-5 (Madrid-Badaxoz-Lisboa)
• Autoestrada M-50
• Autoestrada de peaxe R-5
• Autovía M-506 a Pinto
• Estrada M-501 a Alcorcón
• Estrada M-856 a Villaviciosa

[editar] En Metro

Metro (liña 12 ou Metrosur), con cinco estacións:

• Universidade Rei Xoán Carlos
• Móstoles Central
• Pradillo
• Hospital de Móstoles
• Manuela Malasaña

[editar] En Tren

Tren de proximidades C-5 (Móstoles-Atocha-Fuenlabrada/Humanes), con dúas estacións:

• Móstoles (Móstoles Central para o metrosur)
• Móstoles El Soto

[editar] En autobús

Ofrécense liñas urbanas, interurbanas, nocturnas e de longo percorrido a localidades de Toledo: Talavera de la Reina, Mérida, Cáceres, Badaxoz; Barcelona e Zaragoza.

[editar] En avión

Está situado a uns 32-35 quilómetros do aeroporto internacional de Madrid-Barajas.

[editar] Poboacións Irmandadas

• 2004 Navia
• 2005 Zaragoza
• 2006 Cádiz

[editar] Clima

A localidade goza dun clima mediterráneo, sendo as súas temperaturas medias máximas 38º en verán e 14º en inverno, e as súas mínimas 15º en verán e 2º en inverno. A precipitación anual media é de aproximadamente 420 milímetros, as épocas máis chuviñosas son a primavera e o outono.

[editar] Infraestrutura

• Universidade Rei Xoán Carlos: en Móstoles se encontra a sé central desta universidade, a Escola Superior de Ciencias Experimentais e Tecnoloxía (ESCET) cos os departamentos de informática, estatística e telemática: tecnoloxía química ambiental e dos materiais; ciencias experimentais e de enxeñería.
• Universidade Nacional de Educación a Distancia
• Centro de Investigación e Desenvolvemento Tecnolóxico de Repsol.
• Hospital Xeral Universitario: pertencente ó Servizo Madrileño da Saúde.
• Centro Base de minusválidos: xestionado pola Comunidade de Madrid
• Sé central das BESCAM: policía autonómica da Comunidade de Madrid (CAM).
• Xulgados municipais
• Parque de bombeiros.
• Xefatura Provincial de Tráfico (JPT): centro de exames de Móstoles.
• Escola Oficial de Idiomas (EOI)
• Centros de xuventude
• Centros comerciais
• Teatro: conta co segundo escenario máis grande de España despois do Teatro Real de Madrid.
• Estadio El Soto: alberga o equipo de fútbol Club Deportivo Móstoles. Foi fundado en 1955 e ten unha capacidade para 14.000 asistentes.
• Estadio Andrés Torrejón: alberga o equipo de fútbol PSG Móstoles Fútbol Sala. Foi fundado en 1989.
• Praza de touros
• Biblioteca municipal
• Conservatorio Rodolfo Halffter
• Centros culturais
• Polideportivos
• Cemiterio Vello e Novo

[editar] Lugares de lecer e de interese

[editar] Edificios relixiosos

• Igrexa da nosa Señora da Asunción: É o edificio máis antigo de Móstoles. Consérvanse un ábsida semicircular de estilo mudéxar e unha torre do mesmo estilo.

• Ermida da nosa Señora dos Santos: consta dunha soa nave e ten un fermoso retablo do século XVIII (restaurado en 2005) a cuxos lados están as imaxes modernas do sagrado corazón de Xesús e María. Contén tamén espellos do século XVII, cornucopias, cadros de marcos tallados e un gran decorado. A Virxe dos Santos (patrona de Móstoles) está situada nun camarín. Existe tamén unha figura de barro que representa a San Xoán e o Neno Xesús, da escultora Luísa Roldan (A Roldana)

[editar] Edificios civís

• Casa-Museo de Andrés Torrejón: é a casa onde viviu e morreu o famoso alcalde de Móstoles, é unha pequena casa de época decorada con elementos do século XIX ó estilo antigo.
• Casa de Posas: albergará o Museo da Cidade e a sé Móstoles 1808-2008 con motivo do bicentenario do levantamento contra os franceses.
• La Casona: terá proximamente o Centro de Arte Contemporánea máis importante da Comunidade de Madrid.
• Teatro del Bosque: de recente construción, posúe un estilo moderno deseñado por Javier Mariscal, con grandes estruturas metálicas onde medran arbustos e montañas de céspede no exterior. Conta co segundo escenario máis grande de España. Á parte de representacións teatrais tamén se celebra o Festival Internacional de Cine de Comeda e entréganse os premios Cidade de Móstoles.
• Casa do concello

[editar] Monumentos e esculturas

• Praza do Pradillo: se atopan as principais e máis importantes esculturas, entre elas destacan:
• A Fonte dos peixes: é considerado o quilómetro 0 da cidade. A fonte, con dous peixes de bronce, de cuxa boca mana o auga, foi inaugurada na primavera de 1852.
• Monumento a Andrés Torrejón: Foi inaugurado en 1908 polo rei Afonso XIII, con motivo de se cumpri-lo primeiro centenario do levantamento do Dous de Maio de 1808 en Madrid e o bando dos alcaldes de Móstoles. O monumento ten unha base de granito sobre a que repousa un anaco de montaña de rocha de Segovia. Isto representa os Pireneos. Por encima do peñón traspón unha aguia imperial, a aguia francesa con grandes alas, querendo cubri-la nosa nación, ó mesmo tempo que cunha das súas poutas pretende arrancar a coroa real do escudo de España. Ó pé do canón aparece, pequena pero airosa, a estatua do alcalde de Móstoles. Ó lado, un xinete ó galope. É o postillón que leva apresurado o célebre parte da independencia ou bando, cuxo texto figura nunha placa de bronce.
• Homenaje ós escritores máis importantes: na parte superior do pórtico situado na Praza do Pradillo hai diversos retratos dos escritores máis importantes.
• Fonte e escultura ó titiritero: áchase na Praza da Cultura.
• Glorieta do 2 de Maio: rende homenaxe á muller traballadora
• Porta de Madrid: posúe un estilo moderno e áchase no barrio de 'Los Rosales'.
• Glorieta heroes da liberdade: fai homenaxe a tódalas vítimas do terrorismo xunto á placa que se encontra no 'Parque Galicia'.
• Xardín dos planetas: un parque onde se poden atopar diversas esculturas que representan ós planetas.

[editar] Parques e zonas verdes

• Parque Natural del Soto: o máis grande de Móstoles. Ademais é coñecido internacionalmente porque nel se realizou durante varios anos ata o 2004 o Festival de Madrid de Música Alternativa, máis coñecido como FESTIMAD.
• Parque Liana: é o segundo máis grande, e xunto co anterior, son considerados os pulmóns da cidade.
• Parque Prado Ovejero
• Parque Galicia
• Parque La Mancha
• Parque Andalucía
• Parque lineal Arroyo del Soto
• Vía verde do río Guadarrama:é a plataforma dunha antiga liña ferroviaria que conectaba a capital con Almorox; actualmente as vía non se conservan, pero si unha preciosa ponte de ferro que cruza o río Guadarrama.

[editar] Prazas e Avenidas

• Praza do Pradillo: é a principal e a máis coñecida de Móstoles. Se encontra en no centro urbano. (Ver 'monumentos e esculturas').
• Praza de España: nela se encontra a Casa do concello. Está adornada con bonsais xigantes traídos dende Xapón.
• Praza da Cultura: outra das prazas que se atopan no casco urbano. Aquí se encontra o Centro da Cultura e a escultura do titiritero.
• Avenida de Portugal: é a principal arteria da cidade.
• Avenida da Constitución: comunica a Avda. Portugal coa Pza. Pradillo. As principais tendas se atopan nesta avenida.
• Avenida do Dúas de Maio: xunto coa anterior, encóntrase no centro e é unha das principais para ir de compras.

[editar] Lecer e lugares comerciais

As zonas onde hai máis ambiente nocturno están situadas en Princesa, zona do Hospital e en menor medida a zona denominada Estoril.

Limítrofe a Móstoles áchase o centro comercial e o maior parque de neve artificial de Europa Madrid Xanadú, aínda que pertence á localidade de Arroyomolinos.

O Centro Comercial Aberto Las Avenidas é un conxunto de rúas comerciais que se encontra no centro histórico.

A nivel deportivo podemos atopar os campos de fútbol Iker Casillas, os polideportivos de Andrés Torrejón, Los Rosales ou o de Villafontana e a piscina cuberta 'Las Cumbres onde se encontra un centro de spa. Móstoles ten un equipo de fútbol sala, PSG FS Móstoles, un equipo feminino de fútbol sala e un o equipo de atletismo..

[editar] Festas

A festa principal é o 12 de setembro, día da Vrxe dos santos, patroa de Móstoles. As festas do 2 de maio celébranse como conmemoración do Dous de maio de 1808 (comezo da Guerra da Independencia tralo Bando dos alcaldes de Móstoles). Sendo asumida e festexada por toda a Comunidade de Madrid dende o ano 1985. A festa do 15 de Maio e a festa da auga ten a súa orixe na que se celebraba o 28 de xuño con motivo da traída do auga a Móstoles pola Canle de Isabel II, en 1980. Posteriormente se trasladou ó 15 de maio, a facendo coincidir coa festa de San Isidro en Madrid.

Tamén existen festas por barrios ou distritos.

[editar] Tradicións

• Representación tradicional conmemorativa dos feitos de maio de 1808. Cada 2 de maio represéntase en Mostoles os feitos que acaecieron en Madrid e en Mostoles en torno a aquel dúas de maio de 1808. A cargo de mais de 300 veciños membros de asociacións e penas, ataviados con traxes de época e dirixidos por Miguel Neto, represéntase na praza de touros o acaecido na vila de Madrid aquel aciago día, asi como os dias previos e posterior ó mesmo en Mostoles.

• Durante as festas do nadal, é costume facer unha representación dun Belén vivente na Pza. Ernesto Peces.

[editar] Mostoleños ilustres

• Iker Casillas: portero do real Madrid e da selección española de fútbol.
• Rafael Martínez: medallista olímpico de ximnasia deportiva.
• Las Supremas de Móstoles: grupo musical.
• Alipio Gutiérrez: presentador de Telemadrid.
• Rubén de la Red: centrocampista do Real Madrid Castela.
• David Cobeño: portero do Sevilla FC.
• César Navas: defensa do Málaga CF.
• Andrés Miso: xogador de baloncesto do Club Baloncesto Estudantes.
• Paco Sedano e Borja Branco: xogadores do PSG FS Móstoles e da selección española de fútbol sala.

[editar] Curiosidades

• Móstoles foi a primeira vila española que proclamou a guerra contra Francia en 1808.
• O 20 de outubro de 2004 un pequeno tornado arrasou un polígono industrial causando danos estruturais.
• O 1 de decembro de 2005 na praza de touros desta localidade rexistrouse un accidente de helicóptero, afortunadamente sen danos persoais. No helicóptero atopábanse o presidente de Partido Popular (PP) Mariano Rajoy, a presidenta da Comunidade de Madrid, Esperanza Aguirre e o alcalde, Esteban Parro. Curiosamente, o mesmo día se estaban realizando as fotografías aéreas que Google emprega no seu servizo Google_Maps, polo que pode se observa-lo helicóptero na praza de touros antes de despegar.

[editar] Economía

É unha cidade que durante as tres últimas décadas foi cidade dormitorio de Madrid pero que actualmente se converteu en centro neurálxico económico e demográfico do sur de Madrid. Móstoles conta con varios polígonos industriais: Arroyomolinos, La Fuensanta, Regordoño, Los Rosales, Las Nieves e Expansión. Tamén con zonas industriais dispersas: Las Pajarillas, Las Monjas e Móstoles Industrial. Actualmente en construción o polígono industrial de La Fuensanta II.

En case tódolos casos está formado por medianas e pequenas empresas e a actividade económica predominante é a electro-sidero-metalúrxica, pero tamén é importante a industria téxtil. Conta cunha delegación municipal de promoción económica e emprego, cuxo obxectivo é facilita-lo asentamento de industrias no concello.

Na actualidade están en construción dous rañaceos que se situarán no PAU-4 (Móstoles Sur ou Manuela Malasaña), estes terán entre 40 e 50 plantas e albergará oficinas, pretende incrementa-la superficie dispoñible no concello, ademais de se erixir como símbolos do novo Móstoles e a coroa metropolitana sur. Algo moi positivo para o concello é a recente posta en funcionamento da Universidade Rei Xoán Carlos, así como a implantación do Centro de Investigación e Desenvolvemento Tecnolóxico de Repsol no futuro Móstoles Tecnolóxico.