Colonia Agrippina

Colonia Agrippina^[1] (Germanice: Köln, sermone loci: Kölle, Italice: Colonia) est civitas pervetusta in Germania, cuius nomen longiore forma est Colonia Claudia Ara Agrippinensium (CCAA). Ut hoc nomen indicat, condita est a Romanis, et ius titulusque coloniae civium romanorum ei data sunt. Hodie est caput Archidioecesis Coloniensis Ecclesiae Catholicae Romanae. Patroni sancti urbis sunt tres magi Caspar, Melchior et Balthasar.

[recensere] Res gestae

Colonia (infra) et Divitia transrhenana (supra) circiter anno MDC

Colonia anno L post Christum natum condita est. Iam primum autem locus ab Ubiis incolebatur et sub nomine Oppidi Ubiorum notus erat. Ubii erant gens Germanorum Romanis amica. Post coloniam conditam caput provinciae Germania inferioris facta est. Nata est ibi Agrippina Neronis mater anno XV aut XVI. Usque ad quintum saeculum a romanis possessa est Colonia. Anno 456 autem Romani duce Aegidio quodam Coloniam Francis cedere debuerunt.

Aedificium magnum apud Coloniam Agrippinam aquaeductus Arduennus fuit, qui aquam a silva Aduenna ad orientem spectante quae silvae pars nunc germanice Eifel mons appellatur usque ad fontes puteosque urbis deducebat.

Media aetate etiam Colonia maximi momenti erat, nam episcopus Rainaldus de Dassel Trium Regum ossa illuc portavit. Qua de causa multi viatores in locum sacrum migrant. Usque ad hunc diem multi Christiani urbem visitant ad ossa veneranda. Iam tempore romanorum Colonia erat sedes episcopalis.

14 Novembris anno 1899 in oppidi parte vulgo "Ehrenfeld" (honoris campus) nuncupata inventor rerum autocineticarum Augustus Horch (* 12. mensis octobris 1868, † 3. mensis Februarii 1951) coepit suorum autocinetorum rationem instituere et ea conficere. Autocinetis nomina "Horch" et "Audi" dedit. Verbum germanicum "Horch!" Latine "Audi!" dicere vult.

Coloniae sollemniter celebratae sunt a papa Benedicto XVI a.D. 2005 Dies mundiales iuventutis, magno concursu cardinalium et episcoporum facto, coram circa unum millionem fidelium.

[recensere] Commeatus

ferrivia strataria

Urbis commeatus publicus constat ex ferriviis rapidis et urbanis (Stadtbahn), ferriviis stratariis et laophoris. Ferriviae stratariae nonnumquam subterraneae sunt.

Urbs cum Bonna coniuncta est linea Rhenana riparia vel linea 16 et linea promunturia vel linea 18. Cum Dussseldorpio et Regione Rurana Ferrivia Rapida coniuncta est.

Prope ecclesiam cathedralem statio ferriviaria principalis est.

Una cum Bonna civitas aeroportum habet nomine Coloniensem et Bonnensem.

[recensere] Vita coloniensis

Corona poculorum vitreorum cervisia Coloniensi plenorum

Coloniae cervisia sui generis coquitur, id est cervisia Coloniensis Germanice Kölsch nuncupata. E contrario in urbe aemulatrici Dusseldorpio cervisia "vetus" ut aiunt vel Germanice "Alt" braxatur.

Dies lunae rabidus ut dicitur vel secundum hodiernam populi etymologiam dies lunae rosarum est vertex carnelevarii Coloniae.

[recensere] Geographia

Altera Rheni ripa civitas Divitia sita est. Haec ripa "Germanico" Rheni latere etiam "falsa" ab indigenis nuncupatur (Germanico sermone indigenarum "Scheel sick").

[recensere] Museum

Museum Romano-Germanicum iuxta ecclesiam cathedralem et prope stationem viae ferratae situm est.

[recensere] Civitatis filiae filiique

Iulia Agrippina minor
Conradus Adenauer
Henricus Böll

[recensere] Nexus externus

Pagina domestica musei Romano-Germanici Theodisce et Anglice

[recensere] Pinacotheca

deversorium "Excelsior"	legionarius in museo Romano Germanico	sepulcrum Poblicii AD XL	sepulcrum Iulii Bacci exeunte I saeculo
cloaca	Colonia Romana, a dextra trans Rhenum Divitia