Tsjechisch
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
't Tsjechisch is 'n Wes-Slavische taol en in dee hoedaonegheid stèrk verwant aon 't Pools en 't Slowaaks. Meistal weurt de grèns vaan 't Tsjechisch sömpel getrokke mèt grènze vaan de rippebliek Tsjechië. De dialekte in 't oeste goon laanksem euver in 't Slowaaks.
De Tsjechische taol weurt door 12 miljoen minse gesproke, boevaan 10 miljoen in Tsjechië woene; de euverege 2 miljoen woene veural in Slowakieje.
[bewirk] De taol
Wie de meiste Slavische taole heet 't Tsjechisch zeve naomvalle en twie getalle. 't Verb kump ouch hei trök mèt twie aspekte. De klaanklier vaan de taol is hiel gecompleceerd, mèt kleng die zelfs de aander Slavische taole neet kinne en wäörd zoonder eine klinker drin. E poulair zinneke veur dit aon te tuine is Strč prst skrz krk "Stik 'ne vinger door dien keel"). 't Woordaccent vèlt ummer op de ierste syllaab.
