La Puebla d'Íxar
De Biquipedia
- Iste articlo trata sobre La Puebla d'Íxar. Ta atros empregos d'o toponimo Puebla se beiga Puebla (desambigazión).
|
La Puebla d'Íxar |
|||
|---|---|---|---|
|
|
|||
| {{{imachen}}} | |||
| Comunidat autonoma |  Aragón |
||
| Probinzia |  Tergüel |
||
| Redolada | Martín Baxo | ||
| Codigo postal | 44510 | ||
| Latitut Lonchitut |
{{Coor dd| lon=-0.442|lat=41.222}} | ||
| Superfizie | 60,8 km² | ||
| Altaria | 254 m. | ||
| Distanzia | 163 km enta Tergüel | ||
| Poblazión | 1105 ab. | ||
| Chentilizio | {{{chentilizio}}} | ||
| Ríos | Martín | ||
| Pachina web | www.lapuebladehijar.com | ||
 |
|||
La Puebla d'Íxar (La Puebla de Híjar en castellán) ye un monezipio d'a probinzia de Tergüel, situato en a redolada d'o Martín Baxo. A suya poblazión ye de 1105 abitans en una superfizie de 60,8 km² y una densidá de 18,17 ab/km².
Contenius |
[editar] Cheografía
Ye situato en un plano, á 78 km de Zaragoza con abundans auguas sozterranias. En o suyo termin, pero más a mán de Zaila y La Zaida ye o despoblato de La Romana, que se menziona en testos de prinzipios d'o sieglo XII. Atros nuclios de poblazión tamién desabitatos son La Romaneta, Torre la Sorda, Torre Lausín e Fabrica Salitraría.
[editar] Nome
O nome feba referenzia en primeras a la zaica Gayén, asinas por exemplo en a decada de 1450 Juan Fernández de Ixar escribiba:
- Anuezco e perpetua, indivisible e inseparable unión fago de los castillos, villas e lugares de Ixar, Urrea, la Pobla de Gayen e la Pobla de Benalfajar, de Belchit, Almonezir e la Pobla d'Albortón, e de Lezera e de Binazeit, con toda la jurisdiccion civil e criminal
Con o tiempo s'imposará l'apelatibo d'Íxar, en espezial cuan son espulsatos os moriagos. Podemos beyer l'alternanzia en Pobla de Izar d'o Fogache de 1495 y Pobla de Gayén u Puebla de Gayén en un testo de 1502.
[editar] Charrar
L'aragonés residual de La Puebla ye uno d'os primers que s'estudeoron. Felix Monge, profesor d'a Unibersidat de Zaragoza, que ye naxito en Mainar, bibió de nino en La Puebla y publicó un estudeo incompleto en 1951. O charrar de La Puebla teneba ya n'esta epoca menos aragonesismos que os charrars d'Íxar u San Per porque la zucrera y a estazión trayoron muita poblazión de luent, y os fators sozioculturals yeran prou diferens á os d'a redolada, car yera un lugar industrializato. Sin d'emgargo encara rechistró os imperfetos traiban y saliban y muito bocabulario.
A embotada d'os de La Puebla ye en aragonés: os d'Íxar los claman bachanos probablement porque son auguas ta baxo d'o río Martín (Baxanos > Bachanos). Os de Binazai tamién claman asinas á os de Zaila, auguas ta baxo d'o río Aguas. A mesma embotada tienen os de Muniesa.
[editar] Toponimia menor
Encara bi ha toponimos en aragonés u con trazas aragonesas: Valletas, El Bochar, Espartosa, Ferrada, Ferraduras, Fila Badía, Fila del Pino, Fila Jordana, Fila Ráfales, Fila Rilla, Foguera, Foladaza, La Presquera, La Torraza, Loma el Coleto, Los Valellos, Mayuelos, Molino Rafel, Ojo Ferrerón, Plana San Antón, Planas, Basales, Val de Zaila, etz...
[editar] Apellitos
Son carauteristicos os apellitos Artal, Bordonaba, Gareta, Mugüerza, Pina, Pellicena, Polo, Sierra y os d'orichen oczitán Guallar (deribato de Guallart) y Lambea (deribato de como se diz en gascón Lembeye y castellanizato como la zaica Gayén en Gaén y foyeta en foeta por perduga de -y- epentica).
[editar] Beyer tamién
| Monezipios d'a redolada Martín Baxo | |
|---|---|
| Albalat de l'Arzebispe | Binazei | Castenló | Íxar | La Puebla d'Íxar | San Per de Calanda | Urreya de Gayén | Xatiel | Zaila |
