Molins

De Biquipedia

Iste articlo trata sobre o monezipio de Molins u Pueyo d'Ambas Aguas. Ta atros empregos d'o toponimo Pueyo se beiga Pueyo (desambigazión), ta la ziudad franzesa se beiga Molins (Alier).

Molins
{{{imachen}}}
Comunidat autonoma	Aragón
Probinzia	Tergüel
Redolada	Mayestrazgo
Codigo postal	44556
Latitut Lonchitut	{{Coor dd| lon=-0.45|lat=40.817}}
Superfizie	79,6 km²
Altaria	838 m.
Distanzia	137 km enta Tergüel
Poblazión	312 ab. (2006)
Chentilizio	{{{chentilizio}}}
Ríos	río Guadalopiello
Pachina web	{{{web}}}

Molins (Molinos en castellán) ye un monezipio de a probinzia de Tergüel, situato en a redolada de o Mayestrazgo. A suya poblazión ye de 312 abitans (2006), en una superfizie de 79,6 km².

Contenius 1 Cheografía 2 Nome 3 Istoria 4 Fiestas

[editar] Cheografía

Ye situato amán de l'entibo de Gallipuén, chunto á o río Guadalopiello en a costera d'un mon que por on empezipia corren as auguas de os ríos Papel y Fuentes. Ye famoso por as espelungas karsticas, Cueba de las Graderas, Cuebas de Cristal u Grutas de Cristal, con curiosas morfolochias karsticas (cheolitas orizontals a más de as tipicas estalactitas y estalagmitas). En estas cuebas esiste un chazimiento paleontolochico, materials endokarsticos que sedimentoron en a zaguera glaziazión o Wrüm.

[editar] Nome

O primer nome estió Pueyo d'Ambas Aguas, porque i corren as aguas de os ríos debanditos. D'iste primer nome en queda o nome d'una carrera, Calle del Pueyo, como primer nucleyo urbano, chunto á un mon que teneba un castiello calatrabo en a tuca. Ubieto Arteta en o suyo libro Toponimia aragonesa medieval diz que o toponimo meyebal Molins corresponde con ista localidat y que ye documentato en 1148, pero no diz a fuen d'esta zita.

A forma Molinos tamién esistiba en a luenga escrita porque ya en 1179, en o documento de donazión de a Billa d'Alcañiz á l'Orden de Calatraba, Molinos i sale como una de as mugas:

• Et sicut dividit terminos cum Munterrubeo et dein ad Balbona, et ad Jaganta, et ad Serram de Molinos et de Exulve, et vadit ad Mezquitam usque ad Arannonal.

[editar] Istoria

En o eneolitico-calcolitico a zona estió abitata y aprobeitoron as espelungas pa apedecar muertos, por exemplo. Una mandibula trobata en a famosa espelunga ye uno de os restos umans más antigos d'Aragón. Como o suelo de a cueba son materials d'edat Wrumiense, se creyeba que l'ome de Molinos yera d'esta epoca en que bibiba l'ome de Cromañón. L'analis biometrico feito por a unibersidat de Zaragoza ha amostrato que ye como atros omes peninsulars de a epoca entre o neolitico y a Edat de Bronze, igual que atros materials trobatos en chazimientos chicoz de a espelunga que se perdioron cuan s'acotrazió o puesto ta o torismo.

A primera menzión de o lugar ye de o 5 d'abril de 1209 cuan Pietro II s'anexiona o lugar chunto á Monroyo y Exulbe á l'orden de Calatraba.

[editar] Fiestas

11-15 d'agosto, Santa Luzía.