Артемьев Александр Спиридонович
Википедири материал
Артемьев Александр Спиридонович, — прозаик, сăвăç, литература критикĕ, тăлмач. 1924 çулхи авăн уйăхĕн 14 Етĕрне уесĕн (халĕ Чăваш Енĕн Элĕк районĕ) Тури Вылă ялĕнче çуралнă. 1998 çулхи çурла уйăхĕн 5 Шупашкарта вилнĕ.
1951 çултанпа СССРăн ÇП юлташĕ пулать,
[тӳрлет] Кун-çулĕпе ĕçĕ-хĕлĕ
Хĕрлĕ Чутай районĕнчи Штанашри вăтам шкулта, А. М. Горький ячĕпе хисепленсе тăракан Литература институчĕнче вĕреннĕ. Тăван ялĕнчи вулав пӳрчĕн заведующиĕ, «Ялав» журналăн литература сотрудникĕ, «Тăван Атăл» журналăн редакциĕн яваплă секретарĕ пулса ĕçленĕ. Тăван Çĕршывăн Аслă вăрçине хутшăннă, фашислă Германипе тата самурай Японипе çапăçнă.
[тӳрлет] Ĕçĕсем
Пултарулăхăн малтанхи çулĕсенче сăвăсем çырнă. Кĕвĕçĕсем унăн сăввисем çине юрăсем хывнă: «Ах, пĕлесчĕ», «Çуралнă çĕршыв», «Салампи юрри», тата ыттисем. Александр Артемьев литература критики тĕлĕшĕнче те тăрăшса ĕçленĕ.
[тӳрлет] Хисепĕсем
- Тăван Çĕршывăн Аслă вăрçин 1-мĕш степеньлĕ орденĕ.
- Чăваш АССРăн халăх çыравçи (1980).
- «Хисеп палли» орденĕ.
- «Халăхсен туслăхĕн» орденĕ.
Пичĕтленнĕ кĕнекесем:
- «Ан авăн шĕшкĕ» (1950);
- «Салампи» (1956, 1960, 1966, 1983);
- «Улма йывăç авăнать» (1958);
- «Тăвăл умĕн» (1975);
- «Юлашки юрă» (1981);
- «Пурнăç чăнлăхĕпе писатель ăсталăхĕ» (1984);
- «Суйласа илнисем» (икĕ томлă, 1986);
тата ыттисем.
Александр Артемьев чăваш чĕлхи çине çак авторсен произведениĕсене куçăрнă: А. Пушкин, М. Лермонтов, И. Тургенев, Л. Толстой, И. Гёте, тата ыттисем.
