Чиндыков Борис Борисович

Википедири материал

Чиндыков Борис Борисович, — драматург, прозаик, сăвăç, публицист, тăлмач. 1960 çулхи çурла уйăхĕн 1 Чăваш Енĕн Етĕрне районĕнчи Палтай ялĕнче çуралнă.

1990 çултанпа СССР ÇП членĕ шутланать. 1993 çулта «Çатан карта çинчи хура хăмла çырли» пьесишĕн Чăваш Енĕн литературăпа ӳнер патшалăх премине тивĕçлĕ пулнă.

[тӳрлет] Пурнăçĕ

Мускавра А.М. Горький ячĕпе хисепленекен Литература институтне (1984) вĕренсе пĕтернĕ. Чăваш республики Писательсен Союзĕнче литература консультанчĕ (1985-1988), «Тăван Атăл» журналăн литература критикипе публицистика пайĕн пуçлăхĕ (1988-1989), Чăваш Республики Аслă Канашĕнче консультант, «Лик Чувашии» журналăн тĕп редакторĕ (1994-1997) вырăнĕсенче ĕçленĕ.

Хăй вăхăтĕнче «Аван-и» (1990-1993) тата «Реклама и объявления» (1992-1993, хальхи вăхăтра Шупашкарта «Почтовый экспресс» ятпа тухса тăрать) хаçатсем кăларнă.

Чăваш рекламин чи талантлă креаторĕ тата копирайтерĕ шутланать. ЧАП парти ятне, «Сансăр» тата «Teen/Тин» юрă ушкăнĕсен ячĕсене, «Аван-и» хаçат ятне, шутласа тупнă, [1] сайта уçнă.

Хальхи вăхăтра пĕр турккă фирмин Мускаври филиалĕнче реклама директорĕ пулса ĕçлет. Хăй çырнисĕр пуçне, чăвашларан тата турккăлларан вырăсла, çавăн пекех вырăсларан, акăлчанларан, турккăлларан чăвашла чылай куçарнă.

[тӳрлет] Ĕçĕсем

[тӳрлет] Кĕнекисем

«Чӳк уйăхĕ» (калавсем, 1987);
«Çурçĕр хыççăнхи апатлану» (калавсем, драмăллă хайлав, 1992);
«Урасмет» (трагеди, 1993);
«Çатан карта çинчи хура хăмла çырли» (пьеса, 1995);
«Хура чĕкеç» (монодрама, 2003);
«Шведский стол» (драма, 2003);

[тӳрлет] Драматурги

«Алăксем умĕнче» (драма, 1995);
«Çĕр хăйăрĕн тусанĕ» (пьеса, 1981);
«Хупланнă тĕкĕрсем» (драма, 1997;
"Урасмет" (историлле трагеди)
"Масаркасси ясарĕн 77-мĕш матки" (камит)
"Сарă хĕр Нарспи" (мюзикл либретти)

[тӳрлет] Калавĕсем

«Ăçта каян, чĕкеç...» (калав)
«Hotel Chuvashia» (калав)
«Нараста» (калав, 1990);
«Пуçăм ыратать» (калав, 1988);
«Бобби» (калав, 1988);
«Тухса кайиччен» (калав, 1988);
"Хутлă канфет" (калав, 1988);
«Йĕпхӳ» (калав);
«Элчел: love story» (калав, 1982);
"Кĕлчечек" (калав, 1983)
тата ыттисем.

[тӳрлет] Публицистика

«Уроки чувашского» (1984, «Молодой коммунист»)
«Малалла каяс тесен...» (1988, "Тăван Атăл")
«Двуязычие как оно есть: взгляд с чувашской колокольни» (1988, "Радуга/Vikerkaar", Таллинн)
"Хушшăмăрти чикĕсем çинчен" (1989, "Паянтан")
«Двуязычие и национальный вопрос» (1989, "Советская Чувашия")
«Хроника одного года. Репортаж из 37-го года» (1988, "Молодой коммунист")
«Чăваш поп-музыкин историйӗ: умтапхăр» (1990)
«Выпала... Никто не заметил?» (2003, «Республика»)
«Время и пространство ЧНК» (2005, www.forum.msk.ru)
«Инсульт российской демократии, или зачем Кремлю переназначать Федорова президентом Чувашии?» (2005, www.forum.msk.ru)

[тӳрлет] Куçарусем

Ф.М.Достоевскийĕн «Марей мушик» (калав)
Оскар Уайльдăн «Тĕлĕнтермĕш юмахсем»
Анатолий Рыбаковăн «Арбат ачисем» (роман)
Назым Хикмет. Сăвăсем
Ĕстимĕр Инче. Сăвăсем
Оярс Вациетисăн «Çулпуçăмăра чĕртсе тăратни» (поэма)
Муххаммад Салих. Сăвăсем
Эка Бакрадзе. Сăвăсем
Рей Бредберин «Ракета» (калав)
Юрга Иванаускайтен «Лантăш çулĕ» (калав)
Петр Железновăн «Классикăлла музыкăна юратни» (калав)

[тӳрлет] Чăвашларан вырăсла куçарусем

Юрий Скворцовăн «Уках хурăнě» хайлавĕ (Береза Угахви)
Хветĕр Уярăн «Кĕрхи çумăр» романĕ (Поздний дождь)
Александр Артемьевăн «Сĕрĕм» повĕçĕ (Угар)

[тӳрлет] Эстрада юррисен сăввисем

«Пĕчĕк тăлăх хĕрачам»
«Пĕчĕк калаçу»
«Пукане»
«Йăнăш ăнлантăн»
«Эпĕ шутланăччĕ»
«Амăшĕсем»

[тӳрлет] Вырăсла ĕçĕсем

«Ежевика вдоль плетня» (Çатан карта çинчи хура хăмла çырли, драма, 1994);
«Ужин после полуночи» (Çурçĕр хыççăнхи апатлану, драма, 1992)
«Шведский стол» (Швед сĕтелĕ, пьеса, 1996);
«Царский сад» (Патша сачĕ, ачасем валли çырнă пьеса, 1996);
«Рассказы» (Калавсем, 1997);
«Возвращение хана» (Хан таврăнни, калав, 2000);