ചൂളനൂര്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തിലെ പാലക്കാട് ജില്ലയിലെ ഒരു സ്ഥലമാണ് ചൂളനൂര്‍. ചൂളനൂര്‍ മയില്‍ സംരക്ഷണ കേന്ദ്രം കേരളത്തിലെ ജനപ്രിയമായ വന്യജീവി സംരക്ഷണകേന്ദ്രങ്ങളില്‍ ഒന്നാണ്.
പാലക്കാട് പട്ടണത്തില്‍ നിന്നും 30 കിലോമീറ്റര്‍ അകലെയാണ് ചൂളനൂര്‍ മയില്‍ സംരക്ഷണകേന്ദ്രം. 500 ഹെക്ടര്‍ നിബിഢവനങ്ങളുള്ള ഇവിടം 200-ഓളം മയിലുകള്‍ ഉണ്ട്.
നാനാവിധം പക്ഷികളുടെ വാസസ്ഥലമാണ് ഈ വന്യജീവി സംരക്ഷണകേന്ദ്രം. 100-ഓളം വിവിധയിനം പക്ഷികളെ ഇവിടെ കണ്ടെത്തിയിട്ടുണ്ട്. പക്ഷിനിരീക്ഷകര്‍ക്കും പ്രകൃതിസ്നേഹികള്‍ക്കും ഈ സംരക്ഷണകേന്ദ്രത്തിലെ കാടുകള്‍ പ്രിയങ്കരമായിരിക്കും. മണ്‍സൂണ്‍ കഴിയുന്ന ഉടനെ ചൂളനൂര്‍ സന്ദര്‍ശിച്ചാല്‍ ധാരാളം ഇനത്തിലെ ചിത്രശലഭങ്ങളെയും കാണാന്‍ കഴിയും.
പലയിനം ഔഷധ ചെടികളും ഇവിടെ ഉണ്ട്. ഈ വനത്തിലെ 200 ഹെക്ടര്‍ സ്ഥലം കുഞ്ചന്‍ ശാന്തിവനം എന്ന് നാമകരണം ചെയ്തിരിക്കുന്നു. (കുഞ്ചന്‍ നമ്പ്യാരുടെ ഓര്‍മ്മയ്ക്ക്). അദ്ദേഹത്തിന്റെ ജന്മസ്ഥലമായ കിള്ളിക്കുറിശ്ശിമംഗലം ഇവിടെ നിന്നും ഏതാനും കിലോമീറ്ററുകള്‍ അകലെയാണ്.
[തിരുത്തുക] എത്തിച്ചേരാനുള്ള വഴി
- ഏറ്റവും അടുത്തുള്ള വിമാനത്താവളം: കോയമ്പത്തൂര്‍ അന്താരാഷ്ട്ര വിമാനത്താവളം (55 കിലോമീറ്റര്‍ അകലെ).
- ഏറ്റവും അടുത്തുള്ള റെയില്‍‌വേ സ്റ്റേഷന്‍: പാലക്കാട്
[തിരുത്തുക] അവലംബം
| പാലക്കാട്ടെ പ്രധാന സന്ദര്‍ശന സ്ഥലങ്ങള്‍ |
|---|
|
പാലക്കാട് കോട്ട• മലമ്പുഴ• ധോണി• കൊല്ലങ്കോട്• ശിരുവാണി• ഫാന്റസി പാര്‍ക്ക്• തിരുവളത്തൂര്‍• കൊട്ടായി• ലക്കിടി• പറമ്പികുളം• സൈലന്റ് വാലി• ചിറ്റൂര്‍ ഗരുമഠം• കിള്ളിക്കുറിശ്ശിമംഗലം• നെല്ലിയാമ്പതി• അട്ടപ്പാടി• ഷോളയാര്‍• പുനര്‍ജ്ജനി ഗുഹ• ചൂളനൂര്‍• ജൈനിമേട് ജൈനക്ഷേത്രം |
