യമന്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
-
ഈ ലേഖനം ഹൈന്ദവദേവനായ യമന്‍ എന്ന വിഷയത്തെക്കുറിച്ചുള്ളതാണ്. യെമന്‍(രാജ്യം) എന്ന വിഷയത്തെക്കുറിച്ച് അറിയണമെങ്കില്‍, യെമന്‍ എന്ന താള്‍ കാണുക.
ഭാരതീയ ഇതിഹാസങ്ങളിലെ മരണദേവനാണ് യമന്‍ അഥവാ കാലന്‍. ബ്രഹ്മാവ് ജീവജാലങ്ങള്‍ക്ക് നല്‍കിയിട്ടുള്ള ആയുസ്സ് തീരുമ്പോള്‍ കാലന്‍ ദൂതന്മാരെ അയച്ച് അവരുടെ ആത്മാവിനെ കാലപുരിയിലേക്ക് കൊണ്ടുപോകുന്നു. അവിടെ നിന്ന് പുണ്യാത്മാക്കളെ സ്വര്‍ഗ്ഗത്തിലേക്കും പാപികളെ നരകത്തിലേക്കും അയക്കുന്നു.
കാലനില്ലാത്ത മൂന്ന് കാലങ്ങളെ പറ്റി പുരാണങ്ങളില്‍ പറയുന്നുണ്ട്.കാലന്റെ ഭാര്യയുടെ പേര്‍ ധൂമോര്‍ണ്ണ എന്നാണ്. ഇന്ദ്രന്‍ കാലനെ പിതൃക്കളുടെ രാജാവാക്കി. കാലന്‍ ബ്രഹ്മസഭയിലെ ഒരു അംഗമാണ്.
ഉള്ളടക്കം |
[തിരുത്തുക] കാലന്റെ ജനനം
സൂര്യന്‍ വിശ്വകര്‍മ്മാവിന്റെ പുത്രിയായ സംജ്‌ഞയെ വിവാഹം കഴിച്ചു. അവളില്‍ മനു,യമന്‍,യമി എന്നീ 3 കുട്ടികള്‍ ജനിച്ചു. അവരില്‍ യമന്‍ ജീവിതകാലം അവസാനിക്കുന്ന ജീവികളുടെ ആത്മാക്കളെ അപഹരിക്കുന്ന ജോലിയായതുകൊണ്ട് കാലന്‍ എന്ന പേരു കൂടി ലഭിച്ചു.
[തിരുത്തുക] കാലപുരി
കാലപുരിക്ക് ആയിരം യോജന വിസ്താ‍രമുണ്ട്. നാലു വശങ്ങളിലും ഓരോ പ്രവേശനദ്വാരങ്ങള്‍ നിര്‍മ്മിച്ചിരിക്കുന്നു. ആ പട്ടണത്തിന്റെ ഒരു വശത്ത് ചിത്രഗുപ്തന്റെ മന്ദിരം കാണാം. പട്ടണത്തിനു ചുറ്റുമുള്ള കോട്ട ഇരുമ്പുകൊണ്ടാണ്‍ നിര്‍മ്മിക്കപ്പെട്ടിട്ടുള്ളത്. കാലപുരിയില്‍ നൂറ് തെരുവുകളുണ്ട്. ആ തെരുവുകളെല്ലാം കൊടിക്കൂറകള്‍ കൊണ്ടും തോരണങ്ങള്‍ കൊണ്ടും ശോഭിക്കുന്നു. ചിത്രഗുപ്തമന്ദിരത്തില്‍ ഒരു സംഘം ആള്‍ക്കാരുണ്ട്. മനുഷ്യരുടെ ആയുസ്സ് കണക്കുകൂട്ടുകയാണ്‍ അവരുടെ തൊഴില്‍. മനുഷ്യര്‍ ചെയ്യുന്ന സുകൃതങ്ങളും ദുഷ്കൃതങ്ങളും അവര്‍ പരിഗണിക്കുന്നു. ചിത്രഗുപ്താലയത്തിന്റെ തെക്കുഭാഗത്തായി ജ്വരമന്ദിരം ഉണ്ട്. അതിനോടു ചേര്‍ന്ന് എല്ലാ വിധ രോഗങ്ങളുടെയും മന്ദിരങ്ങള്‍ പ്രത്യേകം പ്രത്യേകമായി സ്ഥിതി ചെയ്യുന്നു. ചിത്രഗുപ്താലയത്തില്‍ നിന്ന് ഇരുപത് യോജന അകലെയാണ്‍ കാലന്റെ ഭവനം. ആ ഭവനത്തിന്‍ ഇരുനൂറ് യോജന വിസ്താരവും അന്‍പത് യോജന പൊക്കവും ഉണ്ട്. ആ മന്ദിരം ആയിരം സ്തംഭങ്ങളാല്‍ വഹിക്കപ്പെടുന്നു. അതിന്റെ ഒരു വശത്ത് വിശാലമാ‍യ ഒരു സഭയുണ്ട്. ലോകജീവിതത്തില്‍ പുണ്യം ചെയ്തവര്‍ വസിക്കുന്നത് ഈ സഭയിലാണ്‍. അവര്‍ സ്വര്‍ഗ്ഗീയ സുഖം അനുഭവിച്ചുകൊണ്ട് നിത്യന്മാരായി അവിടെ കഴിഞ്ഞുകൂടുന്നു. [1].
[തിരുത്തുക] യമ സഭ
കാലന്റെ സദസ്സ്. വിശ്വകര്‍മ്മാവ് ആണ് യമസഭ തീര്‍ത്തത്. സൂര്യപ്രഭകൊണ്ട് ഇത് പ്രശോഭിതമാണെങ്കിലും സമശീതോഷ്ണമാണ്. ശോകമോ, ജരയോ, പൈദാഹമോ ഇവിടില്ല. കല്പവൃക്ഷങ്ങള്‍ എല്ലായിടത്തും തിങ്ങി നില്‍ക്കുന്നു.[2].
[തിരുത്തുക] പ്രമാണാധാരസൂചി
-
ഈ താള്‍ പൂര്‍ണ്ണമല്ല, ഇതു പൂര്‍ണ്ണമാക്കുവാന്‍ വിക്കിപീഡിയ സംരംഭത്തില്‍ പങ്കാളിയാവുക (ശ്രദ്ധിക്കുക: നവാഗതര്‍ക്ക് സ്വാഗതം, സഹായക താളുകള്‍)
| ഹിന്ദു ദൈവങ്ങള്‍ |
|---|
|
ഗണപതി | ശിവന്‍ | ബ്രഹ്മാവ് | വിഷ്ണു | ദുര്‍ഗ്ഗ | ലക്ഷ്മി | സരസ്വതി | ഭദ്രകാളി | രാമന്‍ | ഹനുമാന്‍ | ശ്രീകൃഷ്ണന്‍ | സുബ്രമണ്യന്‍ | ഇന്ദ്രന്‍ | ശാസ്താവ്| കാമദേവന്‍ | യമന്‍ | കുബേരന്‍ | സൂര്യദേവന്‍ |
