Algerien

From Wikipedia


(Flagg)	(Wapen)

Wahlspröök: (översett) De Revolutschoon dör dat Volk för dat Volk

Natschonalhymne: Kassaman

Hööftstadt Algier
36° 42′ N, 3° 13′ O

Gröttste Stadt Algier

Amtsspraak

Araabsch

Regeren
Präsident
Premierminister Volksrepublik
Abdelaziz Bouteflika
Ahmed Ouyahia

Unafhängigkeit
verkloort

Vun Frankriek
5. Juli 1962

Grött
• Allens
• Water (%) 2.381.741 km² km²
nix %

Inwahnertall
• 2005 afschätzt
• Tellt
• Inwahnerdicht 32,531,853

57/km²

Geldsoort Algeersche Dinar (DZD)

BNP

217,224 Milliarden $ (2004)

6.799 $ je Kopp

Tietrebeet
• Sommertiet

CET (UTC+1)

CET, maakt nich mit (UTC+1)

Internet-TLD .dz

ISO 3166 ???

Vörwahl +213

Algerien

Algerien (araabsch: الجزائر al-Ğazā’ir ) is een Staat in den Noordwesten vun Afrika.

[Ännern] Historie

Üm un bi 700 n. Chr. keem de Islam in dat Land. 1519 is Algerien een Deel vun de Osmanen ehr Riek wurrn. 1710/11 is dat Land vun de Osmanenherrschaft free kamen. 1830 hefft de Franzosen dat Land innahmen. Vun 1900 af an weer Algerien een Département vun Frankriek. 1940 fung de Striet vunwegen een free un unafhängig Algerien an. 1947 hefft de Franzosen all Algeriers as Franzosen gellen laten. 1954-1962 weer de Algerienkrieg. An´n 5. Juli 1962 wurr een free unafhängig Algerien utropen. 1965 hett H. Boumedienne de Macht öbernahmen. Bi de Wahlen 1991/92 hett de islaamsche Heilsfrant FIS wunnen. De FIS is een Partei, de dat ok mit Gewalt dörsetten will, datt in dat ganze Land den Koran siene Gesetten gellen schöllt. De Regeerung hett 1992 de FIS uplööst. Siet de Tiet regeert de Terror in dat Land.

[Ännern] Land

In den Noorden vun Algerien liggt de Bargen vun den Atlas. In den Süüden finnt een de Wööst Sahara. Achter de Küst vun´t Middelmeer in den Landstreek Kabylei kladdert de Tellatlas bit to 2308 m hooch. An siene Süüdkant fallt he af up 800 - 1000 m in dat Hoochland vun de Schotts. Dor gifft dat bannig veel modderige Soltseen, wo dat Water nich aflopen kann. Noch fudder in´n Süüden slutt sik de Sahara-Atlas an. In dat Massif de ´l Aurès kladdert de bit 2308 m hooch. In´n Süüden dorvun breet sik de Sahara ut. In´n Süüdoost vun düsse Wööst stiggt de Ahaggar- Bargen bit 2918 m hooch.

Dat Land is in 48 Provinzen indeelt.

[Ännern] Volk

Üm un bi 70 % vun de Inwohners vun dat Land sünd Arabers un so wat bi 30 % weert to de Berber tellt. Meist all Inwohners sünd sunnitisch Moslems. Dat gifft bloß bi 11.000 Kathoolsche in´t ganze Land. Dat Utöven vun den Globen is nich free. 96% vun de Lüe leevt in Noorden up 20% vun dat Land, mehr as 50 % leevt in de Städer un bi 42% vun de Minschen sünd noch nich mal 15 Jahre oolt.

[Ännern] Wirtschaft

Siet de 60er Jahren höört de een un de annere Twieg vun de Wirtschaft to den Staat. Hüdigendags warrt de Privaatwirtschaft föddert so goot, as dat man geiht.

Bloß up 3% vun dat Land kann een Buuree bedrieven. Wat dor wassen deit, sünd Daddeln, Fiegen, Toback, Wien, Zitrusfrücht, Oliven, Tuffeln, Koorn, Röven un Tomaten. In Drievhüser warrt fröh Grööntüüch tagen. Veehtucht gifft dat besunners up dat Hochland vun de Schotts un in den Noorden vun de Sahara. To´n goden Deel warrt de vun Nomaaden utöövt.

[Ännern] Wat de Eer hergifft un Industrie

In de Sahara weert Eerdöl un Erdgas föddert. Bito warrt Iesen, Kopper, Loot un Zink afboot. Quecksülver un Phosphaat gifft dat dor ok.

De Industrie hett vör allens mit Öl un Gas to kriegen. Ook Iesen un Stahl speelt een Rull.

Bi de Export maakt Öl un Gas un wat een dorut maken kann, den gröttsten Deel ut (95%).

Länner in Afrika
Ägypten \| Äquatoriaal-Guinea \| Äthiopien \| Algerien \| Angola \| Benin \| Botswana \| Burkina Faso \| Burundi \| Dschibuti \| Elfenbeenküst \| Eritrea \| Gabun \| Gambia \| Ghana \| Guinea \| Guinea-Bissau \| Kamerun \| Kap Verde \| Kenia \| Komoren \| Demokraatsche Republiek Kongo \| Republiek Kongo \| Lesotho \| Liberia \| Libyen \| Madagaskar \| Malawi \| Mali \| Mauretanien \| Mauritius \| Marokko \| Mosambik \| Namibia \| Niger \| Nigeria \| Ruanda \| Sambia \| São Tomé un Príncipe \| Senegal \| Seychellen \| Sierra Leone \| Simbabwe \| Somalia \| Süüdafrika \| Sudan \| Swasiland \| Tansania \| Togo \| Tschad \| Tunesien \| Uganda \| Zentraalafrikaansche Republiek
Afhängige Rebeden: Kanarische Inseln \| Mayotte \| Réunion \| St. Helena \| Westsahara