Minsch
From Wikipedia
| Modernen Minsch | ||||||||
|---|---|---|---|---|---|---|---|---|
 Mann un Fru |
||||||||
| Systematik | ||||||||
|
De Minsch (m.) is en Söögdeer, wat to de Apen höört. De Minsch vun hüüt is wetenschaplich de Homo sapiens.
[Ännern] Mannslüüd un Fruunslüüd
Dat gifft Mannslüüd un Froonslüüd. Dat sünd de twee Slechter. De Kinners sünd de Jungs un de Deerns.
[Ännern] Kennteken
Anners as anner Apen geiht de Minsch op twee Fööt. So kümmt dat, dat he de Hannen ledig hett un to'n Bispeel Warktüüch bruken kann. Un sien Brägen is besünners groot för en Aap. Bi den Homo sapiens sünd dat rund een un een halven Liter Volumen. Un de Minsch hett nich so veel Hoor as anner Söögdeer. Blots op den Kopp, ünner den Arm un twüschen de Been sünd Hoor, de wat länger sünd. De annern sünd temlich kort.
[Ännern] Oorden
Fröher geev dat noch anner Oorden vun Minschen, man de sünd all doodbleven. To de sülvige Gattung Homo as de Minsch vundaag warrn stellt:
- Homo habilis
- Homo erectus
- Homo florensis, wat de lüttste Minschenoort weer
- Homo neanderthalensis. Bi em is sik de Wetenschap obers nich seker, wat dat nu en egen Oort is oder eenfach en Ünneroort vun den Homo sapiens.
