Zagreb

Frå Wikipedia – det frie oppslagsverket

Zagreb

Zagreb ved elva Sava


Flagget til Zagreb	Byvåpenet til Zagreb

Kallenamn
«Beli Zagreb grad («Den kvite byen Zagreb»)»

Lokalisering

Plassering i Kroatia

Styresmakter

Land
Fylke

Kroatia
Zagreb

Borgarmeister og guvernør

Milan Bandić

Geografi

Flatevidd
- By

641,4 km²

Innbyggjarar
- By (2001)
- folketettleik
- Storbyområde

771 145
1 216/km²
1,1 mill.

Koordinatar

45°48′″N, 15°58′″E

Høgd over havet

120 m

Diverse annan informasjon

Postnummer

10000

Telefon-retningsnummer

Bilnummer

Heimeside: www.zagreb.hr

Zagreb er hovudstaden og den største byen i Kroatia. Zagreb er det kulturelle, vitskaplege, økonomiske, politiske og administrative senteret i Kroatia, og husar mellom anna Parlamentet, presidenten og regjeringa i landet. I 2001 hadde byen eit innbyggjartal på 779 145. Byen ligg mellom sørsida av fjellet Medvednica og nordsida av elva Sava i ei høgd 120 meter over havet.

Byen ligg plassert i den sørvestlege delen av Den pannoniske sletta, som strekk seg mellom Alpane, Dei dinariske Alpane og Adriatarhavet, og er derfor eit strategisk knytepunkt for trafikk mellom Sentral-Europa og Adriatarhavet.

Transportknutepunktet, industrien, og dei vitskaplege institusjonane gjer byen til det største økonomiske senteret i Kroatia.

Byen vart grunnlagd på 1000-talet, og er i dag eit eige fylke. Zagreb vart aldri ein del av Det osmanske riket, som mykje av nærliggande områda var. Derfor er ikkje gamle bygningar øydelagde, som i mange andre byar i det tidlegare Jugoslavia. Zagreb er ein fleirreligiøs by med romersk-katolsk erkebiskop, gresk-ortodoks erkebiskop, protestantisk biskop, ein storrabbin og ein muslimsk mufti.

Zagreb har ein internasjonal flyplass.

[endre] Attraksjonar

Det finns mange sjåverdige stader i Zagreb, som til dømes Gornij Grad (sjå nedanfor), Zagreb katedral, Jelacicatorget, Tomislavtorget, Strossmayerovtorget, Det kroatiske nasjonalteateret og Mimaramuseet.

[endre] Gornij Grad

Gamlebyen i Zagreb heiter «Gornij Grad» (Øvrebyen) og inneheld mange gamle bygningar, som Sankt Marks kyrkje, parlamenta, Steinporten og Lortscak-tårnet, der ein kvar dag klokka tolv avfyrer ein kanonsalutt.