ஓநாய்
கட்டற்ற கலைக்களஞ்சியமான விக்கிபீடியாவில் இருந்து.
ஓநாய் ஊனுண்ணிப் பாலூட்டி வகையைச் சேர்ந்த ஒரு காட்டு விலங்கு. வீட்டு நாயை உருவில் பெரியது. இது நாய்ப் பேரினத்தைச் சேர்ந்தது; ஆனால் நாயில் இருந்து வேறுபட்டது. இப்படிப்பட்ட காட்டு விலங்காகிய ஓநாய்களைப் பழங்காலத்து மாந்தர்கள் பழக்கி வேறு இனங்களாகத் திரித்து உருவாகியவைதான் வீட்டு நாய்கள் என உயிரின அறிஞர்கள் எண்ணுகிறார்கள். இவ் ஓநாய்கள் பலவகையான மான்களையும், எல்க்கு மற்றும் விரிகலை மூசுமான் எனப்படும் பெரிய விலங்குகளையும் கூட்டமாகச் சென்று தாக்கிக் கொன்றுண்ண வல்லவை. ஓநாய் வட அமெரிக்கவிலும், ஆசியா முழுவதிலும் உள்ள காடுகளில் காணப்படுகிறது. தென் அமெரிக்காவிலும், ஆப்பிரிக்கவிலும், ஆஸ்திரேலியாவிலும் ஒநாய்கள் கிடையாது.
ஓநாய்களில் இர்ண்டே வகைகள்தாம் இன்றுள்ளன. முதல் வகையானது வெண் ஓநாய (Gray wolf), இரண்டாவது வகை செந்நாய் (செவ் ஓநாய், Red wolf). இந்த இரண்டாம் வகை பெரும்பாலும் காட்டுப் பகுதிக்ளில் முற்றுமாய் அற்றுப்போய் விட்டதாக எண்ணப்படுகின்றது.
[தொகு] உடலமைப்பு
முழுதும் வளர்ந்த ஓநாய்கள் 35 முதல் 55 கிகி (75-120 பவுண்டு) எடை இருக்கும், மூக்கில் இருந்து வால் நுனி வரை சுமார் 1.5-2 மீ (5-6 அடி) நீளம் இருக்கும். 75 செ.மீ (2.5 அடி) உயரம் இருக்கும். பெண் ஓநாய்கள் சற்று சிறியதாக இருக்கும்.
