Photon
وکیپیڈیا سے
| نوریہ (جمع : نورات) | |
 نورات (photons) کی موجی فطرت کا ایک تصوراتی خاکہ |
|
| ترکیب: | بنیادی ذرہ |
|---|---|
| خاندان: | بوسون |
| گروہ: | مقیاسی بوسون |
| تفاعل: | برقناطیسی |
| تفکیر: | آئنسٹائن (1905 تا 17) |
| علامت: |  یا  |
| کمیت: | 0 |
| دورحیات: | مستحکم |
| برقی بار: | 0 |
| غزل: | 1 |
| اصطلاحات: | نور : photo یہ (لاحقہ) : on نوریہ : photon نورات : photons |
نوریہ ؛ کو انگریزی میں photon کہا جاتا ہے اور جیسا کہ نام سے ظاہر ہے کہ یہ نور کے ذرات ہوتے ہیں یعنی ایسے بنیادی ذرات کہ جن سے ملکر روشنی وجود میں آتی ہے۔ طبیعیات میں اسکی تعریف یوں کی جاتی ہے کہ
- نوریہ سے مراد ایک ایسے بنیادی ذرے کی ہوتی ہے کہ جو برقناطیسی مظہر کا باعث ہوتا ہے۔ یہ برقناطیسی تفاعلات میں ایک بنیادی کردار ادا کرتا ہے اور اسی کی وجہ سے تمام اقسام کی روشنی یا نور وجود پاتا ہے۔
ایک نوریہ کی نہ تبدیل ہونے والی یعنی یکساں کمیت (invariant mass) ، صفر ہوتی ہے اور یہ ایک مستقل رفتار c سے سفر طے کرتا ہے جو کہ ظاہر ہے کہ نور یا روشنی کی رفتار کہلاتی ہے۔ اگرچہ ایسا ہوسکتا ہے کہ کسی مادے کی موجودگی کے باعث اسکی رفتار میں کمی واقع ہوجاۓ (یعنی مختلف مادوں میں اسکی حرکت کی رفتار مختلف ہوسکتی ہے) اسکے علاوہ یہ بھی ممکن ہے کہ کسی مادے سے گذرتے ہوۓ یہ اپنی تمام کی تمام توانائی منتقل کرتے ہوۓ اپنی رفتار بالکل کھو بیٹھے اور اس مادے میں جذب ہوجاۓ ، ایسا کرتے وقت منتقل ہونے والی توانائی اس نوریہ کی اپنی توانائی اور اسکے معیار حرکت (momentum) کے تناسب سے ہوتی ہے۔ دیگر تمام quanta کی طرح ، نوریہ میں بھی مــوجـی اور ذراتی دونوں اقسام کے خواص پاۓ جاتے ہیں یعنی یہ ایک طرح سے موجی ذراتی ثنویت یا wave-particle duality کا حامل ذرہ ہے۔
[ترمیم] وجہ تسمیہ
انگریزی میں photon کا لفظ دو الفاظ کا مرکب ہے
1- photo = نور ، روشنی
2- on = اکائی ، بنیادی حصہ
اردو میں جہاں بھی on کا لفظ اس مفہوم میں آتا ہے وہاں پر اسکا ترجمہ ---- یہ ---- کے لاحقہ کے ساتھ کیا جاتا ہے ، یعنی نور + یہ = نوریہ یا photo + on = photon ۔
on کا لاحقہ اس طرح استعمال ہونے کی چند مثالیں یہ ہیں
1- electr-on = برقیہ
2- prot-on = اولیہ
3- neutr-on = تعدیلہ
4- phot-on = نوریہ
[ترمیم] جدید تصور
نوریہ کے بارے میں جدید تصور 1905 تا 1917 کے دوران نمودار ہوا اور اسکا زیادہ تر سہرا آئن سٹائن کی تحقیق کے سر جاتا ہے جس نے عام اور روائتی طبیعیات سے وضاحت نہ کی جاسکنے والے موجی نمونے کی اپنے تجرباتی مشاہدات کی مدد سے وضاحت پیش کی۔ جدید نظریہ کے مطابق ، نوریہ دراصل روشنی کی توانائی کے ، موجوں کہ تعدد (frequency) پر منحصر ہونے کا ایک بیان کہا جاسکتا ہے، اور اسکی مدد سے یہ وضاحت بھی ملتی ہے کہ مادہ اور اشعاع یا توانائی آپس میں ایک قسم کا حرحرکیاتی توازن (thermodynamic equilibrium) رکھتے ہیں۔
آئن سٹائن کے برعکس دیگر طبیعیاتدانوں نے نوریہ کی وضاحت کے لیۓ طبیعیات کے روائتی تو نہیں مگر نیم روائتی نظریات استعمال کرنے کی کوشش کی اور ان نظریات میں روشنی کو تو میکس ویل مساوات کی مدد سے واضع کرنے کی کوشش کی گئی مگر روشنی خارج کرنے والا جسم یا مادے کو مقداریت (quantize) رکھنے والا کہا گیا۔ گو کہ ان نیم روائتی نمونوں کے زریعے مقداریہ آلاتیات (quantum mechanics) کی ترقی و پیشرفت میں بہت مدد بھی ملی۔
بعد کے تجربات سے آئن سٹائن کی یہ بات واضع اور ثابت ہوتی چلی گئی کہ روشنی دراصل بذات خود ہی مقداریت کی خصوصیت رکھتی ہے اور روشنی کی اسی مقداریت کی اکائیوں یعنی مقدارہ یا quanta کو نوریہ کہا گیا۔
نوریہ کے نظریے نے بہت نے نئے تجربات اور نظریات کی راہ ہموار کی جن میں لیزر ، بوز-آئنسٹائن تکثیف ، میدانی نظریۂ مقداریہ اور مقداریہ آلاتیات کا نظریۂ تفسیر امکانی شامل ہیں۔ ذراتی طبیعیات کے جدید نظریۂ معیاری نمونہ کے مطابق نورات تمام اقسام کے برقی اور مقناطیسی میدانوں کی پیدائش کے ذمہ دار ہوتے ہیں اور بذات خود اپنی پیدائش کے لیۓ انکو ایسے طبیعیاتی قوانین کی ضرورت ہوتی ہے جو کہ زمان و مکاں (spacetime) کے ہر ہر مقام پر مکمل تناظر کے حامل ہوں۔ نورات کے اندرونی خواص --- مثلا؛ بار ، کمیت اور غزل --- اسی تناظر پر منحصر ہیں جسکو مقیاسی تناظر بھی کہا جاتا ہے۔
نورات کے طرزیات میں کئی اھم اطلاقات بہت نمایاں حیثیت رکھتے ہیں مثلا؛ ضیائی کیمیاء ، کثیر الدقیق خوردبین (high-resolution microscopy) اور سالمات کے درمیان پیمائش فاصلہ وغیرہ۔ حال ہی میں مقداریہ کمپیوٹروں ، بصری ابلاغیات اور مقداری صفریت کے لیۓ بھی نورات پر مطالعہ اور تحقیق کی جارہی ہے۔
