Mar Mediteraneo
Da Wikipedia, ła ençiclopedia libara.
El Mar Mediteraneo el xé un mare entercontinentàl che se situà tra Eoropa, Africa e Axia. La so superfiçie aprosimativa xé de 2,51 miłioni de km² e gà na longhezsa de çirca 3700 km.
El Mediteraneo el xé cołegà ad ovest con Oceano Atlantico, traverso ło Streto de Gibiltera. Ad est ragiunge el Mar de Marmara e el Mar Nero, tramite el Dardanełi el Bosforo. El Mar de Marmara xé spexo considerà parte del Mar Mediteraneo, mentre el mar Nero xé generalmente distinto. El Canałe de Suez a sud-est cołega el Mediteraneo al Mar Roxo.
Łe maree son molto łimitae a cauxa deło scarso cołegamento col'Oceano.
El clima mediteraneo el xé generalmente caraterixà da inverni umidi ed estai calde e seche. Cultivazsioni carateristeghe de ła regiòn son: ułivo, vite, agrumi e quercia de sughero. Ła regiòn del mediteraneo gà na łonga storia de çiviltà
El termine Mediteraneo deriva da ła paroła łatina Mediterraneus, chel signifega "en mezso a łe tere". El Mar Mediteraneo traverso ła storia del'umanità xe stà conozsiuo co diversi nomi. I antichi romani, ło ciamàvano, par exenpio, "Mare Nostrum".
