Peter Paul Rubens
From Wikipedia
Peter Paul Rubens (Siegen, 28 juni 1577 – Antwerpn, 30 meie 1640) is verreweg de bekendste barokschilder oller tydn. Ze techniek wos fabuleus, en 't drama datn in ze werkn stak is ni vele geëvenoard. Rubens wos oek diplomoat.
Peter Paul Rubens is gebôorn in Duutsland uut Vlamsche, welgestelde ouders. Achter datn opgenoomn is als Mêester in de schildersgilde in Antwerpn, goat Rubens in 1600 noar Italie. Doa lêert 'n de schilders uut de Antieke tydn apprecieern.
E reist deur Italie en oek deur Spanje, op diplomatieke missies. Intussentyd makt y oender andere in Madrid kennisse mè de werkn van Titiaan.
Ass'n were kêert in Antwerpn, vroagen Albrecht en Isabella, de aartshertoogn die in de Nederlandn boas zyn, om hofschilder te kommn. In 't zelfste joar (1609) trouwt Rubens mè Isabella Brant.
E joar loater goatn weunn en werkn in een atelier an de Wapper in Antwerpn, mè e hêeln pak elpers (oek wel 'roapn' genoemd).
In 1626 goa ze vrouwe dôod.
Rubens meugt nog ossan op diplomatieke missies; deze kêer is 't voe Albrecht en Isabella. Ass'n were kêert uut Iengeland, ertrouwtn mè e joenk mèsje: Hélène Fourment. Rubens is 53 joar, zy is 16.
Peter Paul Rubens goa dôod in 1640 in Antwerpn. E legt doa begroavn in de Sint-Jacobskerke.
[bewerk'n] Bekende schilderyen
- De drie gratiën
- De Roof der Sabijnse Maagden
- De Kindermoord
- Kruisoprichting
- Kruisafneming
