Gayel
Èn årtike di Wikipedia.
lingaedjes > indo-uropeyin > gayel
Li famile des lingaedjes celtikes u gayels est ene brantche des lingaedjes indo-uropeyins, ki comprind des lingaedjes d' asteure come li walès, l' irlandès ou l' burton, eyet des moirts lingaedjes come li gålwès.
Li mot gayel est eployî e walon po cåzer di tot l' minme ké lingaedje celtike, tot come tîxhon est eployî po tot l' minme ké lingaedje tîxhon; mins nerén, dins l' lingaejde corant gayel fwait sovint referince å gålwès, la k' c' est l' lingaedje k' esteut cåzé dins les redjons del Walonreye d' asteure.
Les lignaedjes gayels sont pårtis e deus dzo-familes:
- les lingaedjes Q-celtike u goydelike: irlandès, gayelike escôswès, gayelike di l' Iye di Man, gålwès (†)
- les lingaedjes P-celtike u britonike: walès, burton, cornike, cumbrike, pictike.
Pa des côps eto on fwait l' diferince inte les lingaedjes gayels des iyes (les cis cial pa dzeu, såf li gålwès) eyet les lingaedjes gayels do continint: gålwès, celtibere, galate, norike, lepontike; tos des moirts lingaedjes enute.
[candjî] Istwere do mot « gayel » e walon
Li mot gayel a stî atåvlé pa Albert Lallemand e 1984 et rprins påzès rfondeus.
